Ashar ko apnay office main aik larki ke zarorat thee ju type kerna janti hu. Interview kay duraan ussay aik larki munaasib lagi job kay liyay jis ka naam Huda thaa. Huda kay khamosh lub aur bolti aankhain us kay ander ajub kashish paeda kertay thay.
Ashar ko lerkyoun say koe dilchaspi nahi thee jub say Jaweriya ussay choor ker gae thee. Huda ko us nay muntakhib tu ker leya thaa leaqin us say gin mehsoos kerta thaa kyoun kay woh aik talaaq yaafta larki thee. Woh ussay us ke mamooli se ghalti per be buri tarah saray staff kay samnay jirak deta thaa. 1 din office main kaam zayadaeh thaa tu Ashar ko office main zayadaeh daer hu gae. Huda ko be rukna pera kyoun kay kafi kuch type kernay kay liay thaa. Dono akathay office say niklay leaqin mukhafil janab ke tarf chal diyay. Ashar apni Mercedes ke tarf aur Huda bus stop ke tarf.
Ashar nay Huda ko dekha thaa leaqin agay bur gya. Phir us kay zehan main aaya kay akeli larki kasay raat 10 bajay ja paey ge aur baadil nakhaawista mercedes Huda kay paas aaa ker raok de aur usay baethnay ka kaha. Huda pehlay tu hichkachae phir baeth gae. Ashar nay us say us ka address poacha tu Gulberg ka sun kay heraan raeh gya. Rastay bur Ashar na chahtay howay be baar baar Huda kay khamosh lub bolti aankhain dekhay ja reha thaa.
Jub Ashar nay Huda kay bataey howay ghar per usay utara tu gate pay lagi takhti parh kay heraan raeh gya. Ashar nay poacha kay yeh takhti kiss kay naam ke hai tu us Huda nay kaha meray bhaee kay naam ke! Huda tu aik aesay business man ke behan thee jis kay bhaee kay Ashar kay office jasay 50 offices thay. Woh heraan thaa kay itnay baray business man ke behan job kyoun ker rahi hai es baat say beykhabar kay us ke bhabhi ko woh zehar say be zayadaeh buri lagti thee.
Aik din jub Huda us kay office main file denay aaye tu aaj Ashar nay us say zindagi main pehli baar nurm lehjay pay baat ke thee aur ussay baethnay ka kaha thaa. Phir Ashar nay us say poacha kay us ke shaadi kitne daer taak qaem rahi thee tu Huda nay kaha aik raat! Ashar ko herat ka jatka laga. Ashar nay us kay khawand ka naam poacha tu us nay kaha “ Dilshaad Khan “.
Ashar ko yaad aaya kay us kay aik ayaash dost jis ka naam Dilshaad Khan thaa nay aik larki say shaadi ke thee aur suhaag raat ko Ashar kay ghar reha thaa leaqin aglay din apni biwi ko talaaq day de thee kyoun kay us larki nay ussay shaadi say pehlay mou pay thapar maara thaa. Ashar nay usse waqt pukhta eraada ker leya kay woh Huda say shaadi keray ga aur ussay zindagi ke her khushi day ga.
Urdu Stories: Story 1 Story 2, Story 3, Story 4, Story 5, Story 6, Story 7, Story 8, Story 9, Story 10, Story 11, Story 12, Story 13, Story 14, Story 15, Story 16, Story 17, Story 18, Story 19, Story 20, Story 21, Story 22, Story 23, Story 24, Story 25 , Story 26, Story 27, Story 28, Story 29, Story 30, Story 31, Story 32, Story 33, Story 34, Story 35, Story 36, Story 37, Story 38, Story 39, Story 40, Story 41, Story 42, Story 43, Story 44, Story 45, Story 46, Story 47, Story 48, Story 49, Story 50, Story 51, Story 52, Story 53, Story 54, Story 55, Story 56, Story 57, Story 58, Story 59, Story 60, Story 61, Story 62, Story 63