Apr 072012
 

Agar aap ne kisi sagitarius mard ko apna shareke hayat kiya hay to app ko jan lena chaye ke is mard ko jhukane ke liye aap ko barhi hikmat-e-amlli se kaam lena pare ga kune ke is star se taluk rakhne wale mard aam tor par shadi karate hain wese majmuhi tor par yeh sagitarius mard bare khush ikhlaq mehnti or sehat mand hote hain in main zindagi ke rastonpar age barhane ka hosla dosron ke mukable main kuch zyada hota hay or woo dosron ko bohot jald mutasir kar lene ki salahiyat bhi rakhte hain in main dosti ka jazba bhi bohot zyada hota hay cheere par har waqt muskurahat si khilti nazar ati hay.sagitarius mard achy baap sabit hote hain lakin bachon main dilchaspi is waqt lete hain jab woo palne se nikal kar apne eron par chalne lagte hain

Star sagitarius ka hamil ard agarchy jazbati nahi ho sakta lakin is ki khush mazaji or hamdardana rawaiya dosron ko mutasir kiye bageir nahi rehta,sagitarius mard kushada zehn or frag dil hote hain aap se mohabat ke doran woo is baat ko kabhi ehmiyat nahi de ga ke aap is ke alawa kisi or shaks main dilchaspi le rehien hain lakin shadi ke bad aap ki zat or aap ki tawajo is ke liye intehai ehm ho jaye gi lakin is ka yeh matlab hargiz nahi ke woo aap par kisi kisam ki pabandian ayed kare ga.star sagitarius  ke zere asar peda hone wale afrad aap ki tarhan mohterik or tabdeli pasand hote hain,woo dor daraz makamat par jana or safar karte rehna pasand karte hain,sagitarius mard aam tor par choti chti baton ko nazar andaz kar deta hay.
Star sagitarius ke zere asar pedha hone wali aurat naik fitrat or masoom hoti hay,is aurat main zimadari ka ehsas bhi kam hota hay badtareen halat main bhi in par mukamil bharosa kiya ja sakta hay,star sagitarius aurat kinaparwar ya badkhawa nahi hoti albata kabhi kabhar in ke bare main esa tasor milta hay magar haqeeqat main woo is se bohot dor hoti hay,star sagitarius se taluk rakhne wali aurat is had tak sada loh hoti hay ke is ke muh main jo kuch aata hay bilalehz keh guzarti hay is ke muhn se nikle hoye alfaz baaz okat nashtar ki tarhan dil ko cheer kar rakh dete hain lakin haqeeqat yeh hay ke ise sakht alfaz kehty hoye bhi is ke dil main kina nahi hota ,is muhn phat fitrat ke bayes woo aksar apne doston se mehrom ho jatein hain,or baaz okat ap ke dost bhi ruth jate hain.dosri taraf sagitarius aurat intehai mukhlis or diyanatdar hoti hay is ke khaloos diyanat or wafa par shubha nahi kiya ja sakta agar aap zara si kosish karein to is ki zaban darazi ki adapt par kaboo paya ja sakta hay sagitarius aurat ser-o-tafreh ki shokin hoti hay woo aik minute bhi chane se nahi beth sakti bachon ke tarhan uchal kugh yaa apne aap ko kisi na kisi kaam main masroof rakhtein hain,olad ke liye sagitarius aurat behterein rafeek-wa-ghamsar sabat hoti hay.