Funny Short Jokes for Kids in Urdu – 3

  • 51: Ustad bachon se: aaj aap log itni batain kyun ker rahey hain?
  • Class monitor: janab ham khamoshi key fawaid per behas ker rahey hain.
  • 52: Aik mota admi hathi per betha jaraha tha. Aik lerka usey dekh ker zor se hansa.
  • Mota admi: “ huns kyun rahey hu? kabhi hathi nahi dekha kia”
  • Lerkay ney kaha  Hathi tu dekha hey per hathi per hathi nahi dekha”.
  • 53: Teen bachey apas me batain ker rahey they.
  • Aik ne kaha: me bhorey rung ki car longa, merey abu key baal bhorey hain.
  • Dosrey ne kaha: me kaley rung ki car longa, merey abu key baal kaley hain.
  • Ab tesrey ki bari thi wo pat se bola: or me baghair chatt ki car longa,merey abu ganjey hain.
  • 54: Bap betey se: beta tum ne nana key khat ka jawab kyun nahi dia??
  • Beta: “ abu aap ne he tu kaha tha key baron ko jawab nahi dia kertey”
  • 55: Ammi betey se: jhoot mat bola karo, jhoot bolney waley ka monh kala hu jata hai.
  • Beta: tu ammi such such batayea app ne biscuit ka packet kahan chupa rakha hey?”
  • 56: Ek bachay nay ustad se kaha: “mere abu keh rahy thay k wo aik murghi apko tohfy me dengy.” Ustad ye sun ker khush hugaye or murghi ka intizar kerny lagy.
  • Jab ek hafty tak murghi na ae tu ustad ne bachay se pocha: “beta apki murghi nahi aye?”
  • Bacha masomiat se bola: “wo tu ab tandrust hugye ha.”
  • 57: ek admi mithae walay ki dukan per gaya or pochny laga k ye laddo kia rupay kilo han?
  • Halwai bola: so rupay kilo.
  • Admi bola: thek ha do kilo tol do. Or ye amartiyan?
  • Halwai bola: sattar rupay kilo.
  • Admi bola: thek ha do kilo ye bhi tol do. Or bola ye petha?
  • Halwai bola: assi rupay kilo.
  • Pher us admi ne barfi ka rate pocha or wo bhi do kilo tulwa li. Jab pandra bees kilo mithae hugye tu halwae ne pocha ab kia kerun?
  • Admi ne hath me pakri hue balti uski taraf berhae or kehny laga kay sare mithae is balti me daldo.
  • Halwae ne sare mithae us balti me daldi.
  • Admi bola: ab is balti ko achy tarah hilao or jab sahi terha mix hujaye tu usme se adha kilo mujhy de dena. Qk aj mera mix mithae khany ka bara he dil keraha ha.
  • 58: Baap betay se: Afzal tum raat ko kis waqt soye thay?
  • Afzal: me raat ko do bajay tak home work ker raha tha.
  • Baap: magar light tu raat ko 11 bajay he chali gaye the?
  • Afzal ghabraty hue bola: Abu me perhaye me itna magan tha kay light anay or janay ka pata he nahi chala.
  • 59: Ek bacha buhut ro raha tha. Ami ne ronay ka sabab pocha tu bola: “ ek rupya dain tu bataon ga”
  • Ami ne jaldi se ek rupya dia or pocha: batao ab kyun ro rahy thay?
  • “is rupye kay liye he tu ro raha tha.” Bachay ne chup hutay hue jawab dia.
  • 60: Ek kanjoos wakel apny betay se bola: Beta mere dilli khwahish ha kay tum wakeel bano.
  • Beta: wo kyun?
  • Baap: takay mera kala kot tumhare kam ajaye.
  • 61: Baap ne apny betay ko martay hue kaha: “beta me tumhay isliy mar raha hun kyun kay mujhy tum se mohabbat ha.”
  • Betay nay anso ponchty hue jawab dia: “kash mein bhi mohabbat ka jawab mohabbat se day sakta.”
  • 62: Baap apny sust or kahil betay se: ab me tumhare liy asa intizam kerdunga k button dabaty he her chez tumhare samny hazir hujay ge. Jese kay button dabaty he khana tumhare samny ajaega, button dabaty he tumhare kapry samny ajaengy, button dabaty he jotay ajaingy, button dabaty he….”
  • Lakin “Daddy!” lerkay ne baap ki baat kat’ty hue kaha: ye button dabaey ga kon??
  • 63: telephone ki ghanty musalsal baj rahy the tu choti bachi ne receiver uthaya. Kise nay pocha beta apkay abbu se baat hu sakty ha?
  • Bachi ne jawab dia: nahi wo gher per mojood nahi han.
  • Dobara pocha gaya: beta or koi hay jis se me baat ker sakun?
  • Bachi ne jawab dia: je han mere bahan han.
  • Ajnabi ne kaha: acha usay he bula do.
  • Bachi foran boli: maaf kejye ga uncle, mein usay jholay me se nahi utha sakty, wo buhut moti ha.
  • 64: Ek sahab sabzi kharedny gaye tu sabzi farosh un ki janib mutawaja huny kay bajaye musalsal sabziaon per pani chirakta raha.
  • Thori dair guzarny kay bad wo sahab ghussay se bolay: jab sabzian hosh me ajaen tu ek kilo karelay day dena.
  • 65: Ek pagal nay dusre pagal se kaha: me bachpan me minar-e-pakistan se gir gaya tha.
  • Dusry pagal ne pocha: tu pher tum zinda rahy ya mar gaye??
  • Pehla pagal bola: mujhe sahi tarah yaad nahi, kyun kay us waqt mein buhut chota tha.
  • 66: Hamid: Abba jan badal agaye han.
  • Abba jan: tu mera monh kia tak rahy hu? Andar bithao or pocho thanda piyen gay ya garam.
  • 67: bacha: abu ap mujhe ullu ya gadha keh ker pukarty han. Jab kay mere dost kay abu use chand ya sitara keh ker pukarty han. Asa kyun ha?
  • Baap: is liye kay wo mahir e falkiyat han or me janwaron ka doctor hun.
  • 68: Nanha sufyan subah ki namaz kay baad girgira ker dua mang raha tha. Ya Allah jehlum ko Pakistan ka darul khilafa bana day.
  • Maa: beta tum ye dua kyun mang rahy hu?
  • Beta: Ami kyun kay me parchay me yehy likh k aya hun.
  • 69: Nanhi mulazma nay khatoon khana ko bataya,
  • “ begum sahiba!! Jis waqt ap mehfil e melad me shirkat kay liy gayen then, zameen per khelty khelty nanhay mian nay ek cockroach zameen se uthaya. Monh me rakha or use nigal gaye. Lakin ghabraiye nahi, Begum sahiba mein ne unhy foran he DDT ka powder chata dia tha ab us waqt se nanhay mian aram se gehri nend so rahy han.
  • 70: Ek student nay dakhlay ka waqt guzer jany kay baad dakhla lene ki koshish ki tu principal ne kaha “ maaf kejye ga ab koi seat nahi ha”
  • Larka bola: ap seat ki fiker na Karen, Iska intizam me khud kerlunga. Mere abu carpenter han.
  • 71: Ek cycle sawar ne raah chalty bachay ko takkar mar di. Bacha ronay laga.
  • Cycle sawar ne darty hue bachay ko das rupay diye.
  • Bachay nay jhat se pese pakray or bola: pher kab takkar marein gay??
  • 72: Asif kashif se: Batao tai ka sab se bara faida kia ha?
  • Kashif: Use utarny kay bad bara sukoon milta ha.
  • 73: Munna: Ammi jaan ye leemo ka poda itna bara hugya, akhir isme leemo kab lagengy?
  • Ami: Intizar karo beta sabar ka phal meetha huta ha.
  • Munna: Magar Ammi leemo tu khatta huta ha.
  • 74: Mehman: Assalamoalikum
  • Kanjos mezban: Thanda pio gay ya garam.
  • Mehman: Pehly thanda pher garam.
  • Kanjos mezban: Beta ami se kahu ek glass thandy pani ka or dusra garam pani ka bhej dain.
  • 75: Baap bete se: Tumhara salana nateja nikal aya ha, Nai kitabon kay barey mein batao.
  • Beta: Abu jee Insha Allah ainda do saal tak tu mein purani kitabon ko hi perhun ga. Ap bilkul fiker na Karen.
Categories :

Comments are closed.

Translate »