Funny Short Jokes for Kids in Urdu – 4

76: Ek admi ne kise bachay se pocha: Bhi munnay dak khana kahan ha?

Bacha: Jee wo tu hamare gher kay samnay ha.

Admi: Or tumhara gher kahan ha?

Bacha: Jee dak khany kay samny.

Admi tang aker bola: uff bhi!! Ye dono kahan han?

Bacha: Jee amnay samnay.

77: Abba Jaan: Pappo betay mujhe namaz sunao!

Pappo: Abba jaan namaz perhty han sunaty nahi.

78: Baap betay se: Tum aj school se bhag ker aye hu?

Beta: Nahi abbu me tu ahista ahista chal ker aya hun.

79: Do pagal kise masjid kay pas se guzer rahy thay ek nay kaha: Yaar Allah ka gher dhoop me para ha, ao ise chaoon me kerdain.

Dono zoor lagany lagy hatta kay sham hugye or soraj ghoroob hugya. Dono pagal buhut khush hue, or ek dusry se kehny lagy: Yaar aj tu humne buhut naiki ka kam kia hay, Masjid ko utha ker chaoon mein kerdia ha.

80: Maa nay bete se kaha: jab tumhare uncle ayen tu unse unki naak kay bare me koi baat mat kerna.

Jab uncle aye tu bachay ne herat se kaha: Ami jaan ap tu kehrahy then kay inki naak kay barey me koi baat na Karen, Lakin inki tu naak he nahi ha.

81: Baap: Her shakhs safai ko pasand kerta ha.

Beta: Lakin ami ko safai bilkul pasand nahi.

Baap: Wo kyun?

Beta: Aj mene almari me rakha hua halwa saaf kia tu ami ne murammat ker dali.

82: Ustad: Kitni bure baat ha tum maar kha ker bhi muskura rahy hu?

Shagird: Ap he nay tu kaha ha kay musebat kay waqt muskurana chahye.

83: Ek sahab apny dost ko apny bachun kay naam bata rahy thay: Bary betay ka naam Nafees Kareem, chotay betay ka naam Raees Kareem, or mere akloti beti ka naam……!!

Dost nay berjasta kaha: Ice Cream huga.

84: Master shagird se: Jamat mein kon shor keraha tha?

Shagird: Mujhe maloom nahi mein tu apny baton me laga hua tha.

85: Mehmood Nadir se: Tum ne ek mahenay ki chuttian kahan guzaren?

Nadir: Ek din ghoray ki kamar per, or baqi hospital kay bister per.

86: Faqeer bachay se: Ek rupay ka sawal ha baba.

Bacha: Jaldi se sawal batao, mujhe ek rupay ki sakht zarurat ha.

87: Mehman bachay se: Beta ander jaker dekhu tumhare abu kia ker rahy han?

Bacha: Uncle wo ap kay janay ka intizar ker rahy han.

88: Baap bete se: Tum ne aina kyun tora?

Beta ghussay se: Ye mere naqal utar raha tha.

89: Ek shakhs ne kise shair se pocha: Ap jannat me jana pasand karengy ya dozakh me?

Shair nay jawab dia: Jahan samae’en ziada hoon.

90: Ustaad shagird se: Bay bas kay mainay batao?

Shagird: Jis kay paas bas na hu use bay bas kehty han.

91: Maa beti se: Saba mene suna hay kay tum her baat per qasam khati hu?

Saba: Khuda ki qasam ami jaan ap nay ghalat suna ha.

92: Shagird: Kia ap us bachay ko saza dengy jisne kuch na kia hu?

Ustaad herat se: Bilkul nahi.

Shagird shermaty hue: Mene apka dia hua home work nahi kia.

93: Baap bete se: Akhir tum apni writing kyun saaf nahi kerty?

Beta masomiat se: Kia kerun abbu, itny martaba sabun se dhoya magar safah he phat jata ha.

94: Ustaad shagird se: Kanjoos ki tareef kero.

Shagird: Kanjoos, tareef kay qabil he nahi huta.

95: Ek dost dusre dost se: Tumhare baal ase han jese lambi ghaas hu.

Pehla dost: Ise liye tu me soch raha hun kay mere samny gadha kyun betha ha.

96: Ustaad shagird se: 1876 kay science dano kay barey me kia janty hu?

Shagird: sab kay sab mar gaye.

97: Ustaad: Encyclopedia kay kia mainay huty han?

Shagird: cycle ka paddle.

98: Ek sahab buhut pareshan thay. Kise dost ne pocha : Kia baat hay itny pareshan kyun hu?

Wo bolay: Me ye soch ker pareshan hun kay mere behan kay do bhai han magar mera ek kyun ha?

99: Ek bewaquf ghalti se darya me gir gaya. Dobty dobty uskay hath me machli agaye. Usne machli ko pakra or darya se bahar phenkty hue bola: Jaa tu apni jaan bacha lay.

100: Dost : Khan sahab tum tu aj doctor kay pas janay walay thay?

Khan sahab: Yaar kal jaega, aj hamara tabyat kharab ha.

Categories :
Tags :

Comments are closed.

Translate »