Thesis, Dissertation or Research Proposal – Study Abroad [ Urdu/ Hindi ]

Thesis, Dissertation or Research Proposal

Europe main buhat sari universities main admission ki aik condition thesis ya research proposal hoti hay.

Aik research proposal ke darj-e-zail parts hotay hain.

1- Research Topic
2-Research Question/s
3-Introduction or Background of Research proposal
4-Importance and Need for the research
5-Research Method
6-Review of Literature

  1. Research Topic

Research topic ka matlab hay keh aap kis topic per reseach kerna chahtay hain.Is ke liyay research ka sooch ker koi munasab sa topic name chuna jata hay. Maslan Democratic Process in Pakistan.

  1. Research Question/s

Koi bhi research shuru kene se pehley koi mafroza kaim kia jata hay. Asaan lafzon main kuch swalat apnay aap se pochey jatay hain. Maslan agar koi Pakistan main democracy per research kerna chata hay tu wo is kisam ke swal likh sakta hay.

  • Is system of government in Pakistan a democratic system?
  • How democracy developed in Pakistan?
  • Obstacles in the way of democracy in Pakistan?

And so on.

Yey hissa aik paragraph ki sorat main ya number wise likha ja sakta hay. Magar questions buhat zaida nahi honay chahyain.

  1. Introduction or Background of Research

Is hissa main research ka back ground bataya jaata hay. Research topic se mutalaq kuch story si likhi jati hay. Maslan upper ki masaal main yey likha ja sakta hay ke Pakistan aik democratic stat ke toor per vajood main aya. Democracy ke hawala se Qaid-e-Azam ka koi fermaan. Pakistan main pehley Intekhbat or pehley martial law ke hawaly se chand baatian or is tarah Pakistan main hakomaton ki mukhtasar detail or democracy main rakwatoon ke baray main kuch baatain.

Yey hissa 2-3 safhat ka ho sakta hay.

  1. Importance and Need for the research

Is hissa main likha jata hay keh aap yey research kion kerna chahtay hain. Is main kion interested hain or is research ki kia zaroorat hay. Maslam oper ki masal main likha ja sakta hay keh Pakistan aik democratic state ke toor per banaya gya magar democracy kaim na reh saki lehaza ye jan na mufeed ho ga keh wo kia factor hain jis ki waja say democracy na chal saki ya tasalsul ke saath na chal saki.

Ye hissa 1-2 safhaat ka hona chahya.

  1. Research Method

Yey hissa technical hissa hota hay. Is main yey likha jata hay keh research kis tarah ki jayay gi. Research kerney ke kayi treekey hootay hain. Maslan logon ke interview kerna, books se research kerna, mathematical methods istemal kerna waghaira. Is silsala main behter hay ke internet se mazeed malumaat hasil ki jain. Ooper ki masaal main likha ja sakta hay keh research qualitative research ho gi or I will use books of Pakistani authors.

Is hissa main 2/4 paragraph yani adhay safha se aik safha tak likha ja sakta hay.

 

  1. Review of Literature

Is hissa main yey likha jata hay keh is silsala main pehley kia research ho chuki hay. Maslan kuch kitabon ke naam likhay jaatay hain jo is topic se talaq rakhti hain of do teen fiqron main likha jata hay ke her kitab main kia hay. Is ke alawa agar kissi research paper ka pata ho to wo bhi mention kia ja sakta hay.

Is hissa main 8/10 kitabin ya research papers likhay ja sakta hain. Likhnay ka tareeqa yay hay.

Author name. Topic. Place of Publishing:Publisher, Year.

Maslan

Jawed, Iqbal. Democratic Process in Paksiatn. Lahore: Ferozsons Publishers, 2007.
(oor phir chan lines is book ke baray main

Phir next book or issi tarah 8-10 kitabain.

Books google scholar per search ki ja saktai. Apnay topic se related search words add karain or jo books search main ayain un ki mazeed detail net per search ki ja sakti hay.

Aap ka thesis proposal tyar hai.

Categories :
Tags :

Comments are closed.

Translate »