Ghamgeen Urdu Shayari Poetry SMS

Main maqtal main bhi qismat ka Sikandar nikla

Qura-e-faal mere naam ka aksar nikla

Tha jinhen zum woh darya bhi mujhee main doobay

Main ke sehra nazar aata tha, sumandar nikla

(Ghamgheen Poetry by: Ahmad Faraz)

Ujray howey logon se gurezan na howa kar

Halaat ki qabron ke yeh qatbay bhi parha kar

Keya janye kiun tez hawa soach main ghum hai

Khawab-beeda parindon ko darakhton se ura kar

Aye dil tujhe dushman ki pehchahn kahan hai?

Tu halqa-e-yaran main bhi mohtaat raha kar

Pehla sa kahan abb meri raftar ka alam

Aye gardash-e-doran zara tham tham kar chala kar

Iss shab k muqadar main seher hai hi nahin Mohsin

Dekha hai kai baar chiraghon ko bhuja kar

(Ghamgeen Shayari by: Mohsin Naqvi)

Dono jehan tere mohabat main haar ke

Woh ja raha hai koi shab-e-gham ghuzar ke

Ik fursat-e-gunah mili woh bhi chaar din

Dekhe hain ham ne hosley parwardegar ke

Dunya ne teri yaad se begana kar deya

Tujh se bhi dilfaraib hain gham rozgar ke

Bhooley se muskura  tu deye thy woh aaj ‘Faiz’

Matt pooch walwalay dil-e-nakarda kar ke

(Ghamgeen Shayari by: Faiz Ahmad Faiz)

Nai kapray badal kar jaon kahan aur baal banaon kis k liye

Woh shaks tu sheher hi chor geya main bahir jaon kis k liye

Jis dhoop ki dil main thandak thee woh dhoop uske sath gai

Inn jalti balti galyon main abb khak uraon kis ke liye

Mudad se koi aya na geya, sunsaan pari hai ghar ki fiza

Inn khali kamron main Nasir abb shamain jelaon kis k liye

(Ghamgeen Shayari by: Nasir Kazmi)

Laai hayat, aye qaza lay chali chalay

Apni khushi na aye thy na apni khushi chalay

Kam hon gey iss besaat main hum jaise badqumar

Jo chaal hum chalay woh nahayat buri chalay

Ho umar-e-khizar bhi tu kahen gey ba-waqt-e-marg

Hum keya rehe yahan, abhi aye abhi chalay

Dunya ne kis ka rah-e-fana main deya hai saath

Tum bhi chali chalo, yoonhi jab tak chali chalay

(Ghamgeen Shayari by: Ibrahim Zoaq)

Bohat meherban theen woh gul-posh rahain

Magar hum unhain meherban chor aye

Yeh ejaz hai husn-e-awargi ka

Jehan bhi gay dastan chor aye

(Ghamgeen Shayari by: Habib Jalib)

Tanhai:

Phir koi aya dil-e-zar koi nahin

Rah-ro ho ga, kaheen aur chala jay ga

Dhal chuki raat, bikharne laga taron ka ghubar

Larkharnay lagay evanon main khawabeeda chiragh

So gai rasta tak tak ke rah-guzar

Ajnabi khak ne dhundla deye qadmon ki suragh

Gul karo shamain, barha du meena-o-ayagh

Apne bekhawab kawaron ko muqafil kar lo

Ab yehan koi nahin koi nahin aye ga

(Ghamgeen Shayari by: Faiz Ahmad Faiz)

Iss sheher-e-kharabi main gham-e-ishq ke mary

zinda hai, yehi bari baat hai peyaray

Kuch aur bhi hain kaam hamain aye gham-e-jana

Kab tak koi uljhi howee zulfon ko sawanray

(Ghamgeen Shayari by: Habib Jalib)

Lagta nahin mera dil ujray deyar main

Kis ki bani hai aalam-e-napaydar main

Inn hasraton se keh du kaheen aur ja basain

Itni jagah kahan hain dil-e-daghdar main

Umar-e-daraz maang kar laye thy chaar din

Du arzoo main kut gey, 2 intezar main

Kitna hai badnaseeb Zafar ke dafan ke liye

Du gaz zameen bhi na mili koo-e-yaar main

(Ghamgeen Shayari by: Bahadur Shah Zafar)

Categories :
Tags :

Comments are closed.

Translate »