Mazahiya Urdu Shayari – Funny Poetry SMS in Urdu/ Hindi- Anwar Masood

Tarz-e-libas tazah hai ik shakl-e-Ehtejaj

Fashion ke ehtamam se keya kuch ayan nahin

Yeh larkion ka shikwah hai kiun larkiyan hain hum

Larkon ko yeh gila hai woh kiun larkiyan  nahin

(Mazahiya/ Funny Urdu Shayari/ Poetry by: Anwar Masood)

Har ik ehed main zinda hai meer ka misra

Kisi se jis ki sadaqat chupi na rahi

Nizam-e-barq liya WAPDA ne hathon main

Phir uske baad chiraghon main roshni na rahi

(Mazahiya/ Funny Urdu Shayari/ Poetry by: Anwar Masood)

Jab bhi chahain murgh kha lete hain doalat-mand

Din ki pabandi nahin mangal ho ya itwar ho

Haan magar muflis ko kab hota hai yeh khana naseeb

Murgh ho bemar ya admi khud bemar ho

(Mazahiya/ Funny Urdu Shayari/ Poetry by: Ataul Haq Qasmi)

Ajab dewar dekhi main ne aaj rastay main

Na kuch dewar ke agay na kuch dewar ke peechay

Baray numnaak hotey hain ‘Anwar’ qehqahay tere

Koi dewar-e-girya hai tere ashaar ke peeche

(Mazahiya/ Funny Urdu Shayari/ Poetry by: Anwar Masood)

Hum iss taqleed-e-afrangi ke hathon

Bohat pamaal ho kar reh gey hain

Hamarah haal abb keya poochtay ho

Faqat naqal ho kar reh gey hain

(Mazahiya/ Funny Urdu Shayari/ Poetry by: Anwar Masood)

Ah barhti huee aee woh “slimming center”

“Ah ko chahye ik umr asar honay takk”

“dieting” khel nahin chand dinon ka begum

Ik sadi chahye kamray ko kamar honay takk

(Mazahiya/ Funny Urdu Shayari/ Poetry by: Anwar Masood)

Apni zoja ke ta’ruf main kaha ik shaks ne

Dil se inka motarif hon, zubani hi nahin

Chaye bhi achi banati hai meri begum magar

Monh bananay main tou inka koi sani hi nahin

(Mazahiya/ Funny Urdu Shayari/ Poetry by: Anwar Masood)

Nursery ka dakhla bhi sarsari matt janye

Apke bachay ko Aflatoon hona chahye

Dosto! English zaroori hai humary wastey

Fail honey ko bhi ik mazmoon hona chahye

(Mazahiya/ Funny Urdu Shayari/ Poetry by: Anwar Masood)

 

Sunnah hai zindagi imtehan leti hai

Magar yehan tu imtehanon ne zindagi le lee

***

Categories :
Tags :

Comments are closed.

Translate »