rdu Poems – Urdu Nazmain – Roman English, Urdu Poetry, Shayari

Urdu Poems – Pakistani Poems – Desi Poems

Dhala Hai Chand, Lo Akhir-e-Shab Hai Ab So To Jaayen..
Kaho In Bolti Ankhon Se Ke Khamosh Ho Jaayen..

Andheri Raat Mein Roshan Sitara Kis Ne Dekha Hai..
Samundar Ke Safar Mein Haan Kinara Kis Ne Dekha Hai..
Sanbhal Jaa Aae Dil Ke Tumhein Samjhaaye Jaatey Hein..
Kaheen Aisa Na Ho Hum InKi Gehraai Mein Kho Jaayen..

Kaho In Bolti Ankhon Se K Khamosh Ho Jaayen..

Yeh Chaha Kub Tha InKi Aseeri Chore Jana Hai..
Magar Kismat Mein Likha Tha So Likha Tha Humne Mana Hai..
Humein Aise Jo Dekhain Gay To Ab Bhi Na Paayen Gay..
Na Paas aao Ke Jaatey Wakt Hum Qurbat Pe Ro Jaayen Gay..

Kaho In Bolti Ankhon Se K Khamosh Ho Jaayen..

Humara Muskra Kar Alwida Kehna Inhe Bhaaya..
Magar Yeh Kia Abhi Se In Mein Saawan Utar Aaya?
Inhe Rooko Humare Dil Ka Yun Na Imtihaan Lain Ab..
Yeh Baadal Ab Kaheen Mun Ko Humare Na Bhigo Jaayen..

Kaho In Bolti Ankhon Se K Khamosh Ho Jaayen..

Dua Hai Yeh Sadah Hansti Rahein Roshan Rahein Har Dum..
Zamane Bhar Ki Hon Khushian, Yeh Na Dekhen Ab Koi Gham..
Meri Ankhon K Jugno Bhi Inhi Ki Shaam Mein Chamkein..
Khudaya ! saare Mausam In Mein Rang o Bu Sama jaayen..

Kaho In Bolti Ankhon Se K Khamosh Ho Jaayen.

“YUNHI HANSI HANSI MEIN…..
HUM DILON SE KHAIL JATE HAI…
KOI CHOTI SI TEEKHI BAT…
KOI CHUBHTA HUA JUMLA…
KOI ZEHER ALOOD LEHJA…
KOI BEZARAR SI ZOMANI BAT…
SUNNE WALE KE DIL MEIN GHAO LAGA JATI HAI…
PHIR KITNE HI TALAFI KE MARHAM LAGAO…
KATRA KATRA KHOON TAPAKTA HI REHTA HAI…
WOH ANSOO!!!…..
JO ANKH SE GIRTA HI NAHI…
ANDER HI ANDER JAM JATA HAI…
BARAF PE GIRE MOM KE QATRE KI TERHA…
AUR WO BARAF TO SHAYED…
WAQT KI GARMI SE PIGHAL JAYE…
MAGER WO QATRA!!!…..
JAB BHI PIGHALNE LAGTA HAI…
PHAIL JATA HAI……..
BARH JATA HAI…
BAS KHATAM NAHI HOTA…
OR YUNHI HANSI HANSI MEIN…
HUM DILON SE KHAIL JATE HAI……”

 

 

TUNE MURJHAYE HUE PHOOL KABHI DEKHE HAI ???

DIL KI KABARON PER PARE……..

HIJIR KI LASH ANKHON PER DHARE…..

TUM NE UKTAYE HUE KHUWAB KABHI DEKHE HAI ???

DARD KI PALKON SE LIPTE HUE……..

GHABRAYE HUE…..

TUM NE BE CHAIN DUAEIN KABHI DEKHI HAI ???

MOHOBBAT KE KINARON PER BHATAKTI PHIRTI……..

TUM NE DEKHA HAI MUJHE ???

KYA KABHI DEKHA HAI MUJHE ????????

 

 

 

tumhara khat mila jana
wo jis ma tumne pucha haik ab halat kasay hain
meray din raat kasay hain?
maharbani tumhari hay!
k tum nay iss terha muj se
meray halat puchay hain
meray dinn raat puchay hain

tumhay sab kuch bata duu gaa
mujay itna bata do k……
kabhi sagir kanaray per
kisi machli ko dakha hay??
k jis ko lahrain pani ki
kinaray tak to lati hain
magar phir chor jati hay
meray halat asay han
meray din raat asay hain…..

 

 

Gulab chehray pay muskarahat, chamakti aankhon main shokh juzbay
Woh jub bhi college ki seerhiyon say sahailyon ko liyay utarti

To yun lagta jaisay dil main utar rahee ho
Kuch us taiyuqun say bat karti jaisay dunya us ki nazron say daikhti ho

Woh apnay rustay pay dil bichati hui nigahon say huns ker kehti
Main tumharay jaisay bhaut say larkon say yeh batain bhaut barson say sun rahi hoon

Main sahilon ki hawa hoon, neelay samandaron kay liyay bani hoon
Woh sahilon ki hawa si larki, jo kal mili to us tarah thi

Gulab chehray pay muskarahat, chamakti aankhon main shokh juzbay
Jaisay chandi pighal rahee ho, magar jo boli

To us kay lehjay main woh thakan thi
Jaisay sadiyon say dasht e zulmat main chal rahee ho.

 

 

kabhi yad ao to is terha!!!!
kay lahoo ki sari tamazten,
tumhen dhoop dhoop samait len,
tumhen rang rang nikhaar den,
tumhen harf harf main soch len,
tumhen dekhny ka jo shooq ho,
too dar-e-hejar ki tairgee
ko marsa ki nook say nooch len,
kabhi yad aoo to iss terha,
k dil-o-nazer main otar sako,
kabhi had say hebss-e-janon bharay,
too hawass ban k bekher sakoo,
kabhi khool sakoo shab-e-wasal main,
kabhi khoon-e-dil main sanwar sako,
sar-e-rah gozar jo milo kabhi,
na therhr sakoo..na guzar sakoo,
mera dard pher say gazal bany,
kabhi gongonaoo to iss terha,
meray zakham pher say gollab hon,,
kabhi muskraoo too iss terha,,
mere dharkanen b larzz othen,
kabhi choot khao to iss terha,
kabhi dil dokhaoo too iss terha,
na seemat saken na bekher saken,
kabhi bhool jao to iss terha,
kesi toor jan say gozar saken,
kabhi yaad aoo to iss terha,,

 

 

 

Jo Meri aankhon se Khuwab dekho
To Aik shab bhi na So sako Gay
K Laakh Chaho Na Hans sako gay
Hazaar chaho na Ro Sako gay’
K Khuwab kya hain Azaab Hain yeh
Mere Dukhon ki kitaab hain yeh
Rifaqatain In main Chotti hain
Mohabbatain in main Roothti hain
Pinapti Hain In main Vahshatain see
Aziatain In main Photti hain
Un hi ke Dar se Khizaan Hain Jazbay
Un hi se shakhain see tot’ti hain
Ghamon ki Bandish hain Khuaab mere
Ahal Raha hai Dukhon ka Lava
Rahen Aatish hain khuwab Mere
Khayal sare Jhulaas gay hain
Sulagti Khuahish hain khuaab Mere
Ukharrti Sansain hain Zindagi ki
Lahu ki Sazish hain Khuaab Mere
Jo Meri aankhon se Khuaab dekho
To Aik shab bhi na So sako Gay…!

 

 

Bahar aayee
to jaisey aik baar laut aaye hain phir adam se
woh khaab sarey, shabaab sarey
jo terey honton pe mar mittey they
jo mit ke har baar phir jiye they

nikher gaye hain gulab sarey
jo teri yadon se mushkboo hain
jo terey ushak ka lahoo hain
bahaar aayee

ubal parey hain azaab sarey
malaal-e-ihbay-e-doastaan bhi
tumharey aaghosh-e-mehvashaan bhi
ghubar-e-khatir ke baab sarey
tirey humarey sawaal sarey, jawaab sarey

bahaar aayee
to khul gaye hain
neye sirrey se hisaab sarey
bahaar aayee

 

 

Saath chalnay waalay jab
Saath chhorr jaaty haiN
Waqt tham nahiN jaata
Koi mar nahiN jaata
Koi mar bhi jaye tou
Zindagi nahiN rukti
RaastoN ko chalna hay
Raastay tou chaltay haiN
Yaar dost miltay haiN
Zakhm aisay siltay haiN
Gard gard lamhoN maiN
Umr kat hi jaati hay
Kuchh musafiroN ko bas
ManzilaiN nahiN milteeN

Wo jazbo.n kii tijaarat thii
Ye dill kuch aur samjha thaa

Usey hansne kii aadat thii
Ye dill kuch aur samjha thaa

Mujhe us ne kaha aao
Naii dunya basaate hai.n

Usey soojhii sharaarat thii
Ye dill kuch aur samjha thaa

Hamaisha uskii aankhon me.n
Dhanak se rung hote thay

Ye uskii aam haalat thii
Ye dill kuch aur samjha thaa

 

Muhabat

Lafzoon Ke Behte Derya Se

Main Ne Ik Lafz Chunna Tha

Phir Jo Afsana Likhna Tha

Es Lafz Ko

Us Ka Unwaan Likha Tha

Lakin es Afsaney ko

Likhny Ki Muddat Se

Le Ke Ab Tak

Kai Kahanian,Kitnay Afsaney

Kai Jagg Bitian,Kitnay Ratt Jagy

Likh Daley

Mager Aj Bhi

Wo Afsana Adhora Hai

Jiss Ka Title MUHABAT Tha

 

 

 

Wo kam sukhan
Wo kuj adaa
Wo bewafa
acha laga…

Jub bhi mila
rootha hua
Jub bhi mila
acha laga…

Wo zulam pe mayel bohat
Wo jabar ka Qayel bohat
Us ka sitam
Her ek situm
mujh ko sada
acha laga…

Tum pyar ke
qabil nahi

Tum piyar ke
layeq nahi
Us ne kaha
Hum se kaha
Hum ne suna
acha laga…

 

 

Ajeeb shaam khari hay kahin say ajao
Bari udaas ghari hay kahin say ajao

Kisi say milna so miltay hi phir bichar jana
Saza yeh itni bari hay kahin say ajao.

Bohot kathan hay maray dost hijr ka mousam,
Judae bol pari hay kahin say ajao.

Zamana jis ko samjhta hay motiyon ki chamak,
Wo aanso’on ki lari hay kahin say ajao.

Categories :
Tags :

Comments are closed.

Translate »