Love, Romantic Urdu Poetry SMS in English โ€“ Faraz, Hali, Iqbal and more

Barson ke baad dekha, ik shaks dilruba sa

Abb zehen main nahin hai, per naam tha bhala sa

Abru khichey khichey se, aankhen jhuki jhuki see

Batain ruki ruki see, lehja thama thama sa

Alfaz thy k jugno, awaz k safar main

Ban jay jangalon jaisey ke rasta sa

Khawabon main khawab uss k, yadon main yad uski

Neendon main ghul geya ho, Jaise k ratjaga sa

Pehle bhi log aye kitne hi zindagi main

Lakin woh har tarah se, oron se tha juda sa

Agli mohabaton ne woh na-muradiyan deen

tazah rifaqaton se dil tha dara dara sa

(Romantic Urdu Poetry by: Ahmad Faraz)

Hai justajoo ke khoob se hai khoob tar kahan

Abb theherti hai dekhye ja kar nazar kahan

Ik umr chahye k gawarah ho naish e ishq

Rakhi hai aaj main lazat-e-zakhm-jigar kahan

Hum jis pe mar rehe hain woh baat hi hai kuch aur

Aalam main tujh se laakh sehi, tu magar kahan

Hoti nahin qabool dua tarq-e-ishq ki

Dil chahta na ho tu dua main asar kahan

Hali nishat-e-naghma o may dhoontey ho abb

Aye ho waqt-e-subh rehe raat bhar kahan?

(Romantic Urdu Poetry by: Hali)

Tere ishq ki inteha chahta hon

Meri sadgi dekh, k main keya chahta hon

Yeh jannat mubarak ho zahidon ko

K main apka samena chahta hon

Bhari bazm main raaz ki baat keh dee

Bara be-adab hon saza chahta hon

(Romantic Urdu Poetry by: Allama Iqbal)

Categories :
Tags :

Comments are closed.

Translate ยป