Sad Urdu Poetry- Ghamgeen Shayari- Sad SMS, Poetry, Quotes in English

Beautiful Sad/Udas/ Ghamgeen Urdu/ Hindi/ Roman Poetry/ Shayari/ Ghazals by Top Urdu Poets:

Main maqtal main bhi kismat ka sikandar nikla

qura-e-faal mere naam ka aksar nikla

Sheher walon ki mohabat ka qael ho magar

main jis haath ko chooma, wohi khanjar nikla

(Sad Urdu/ Hindi Poetry/ Shayari by: Ahmad Faraz)

Ujray howey logon se gurezan na howa kar

halaat ki qabron per katbay bhi parha kar

Har waqt ka hansna tujhe barbad na kar de

tanhai ke lamhon main kabhi ro bhi leya kar

(Sad Urdu/ Hindi Poetry/ Shayari by: Mohsin Naqvi)

Aaj rothay howey sajan ko bohat yaad keya

apne ujray howey gulshan ko bohat yaad keya

Aaj tootay howey sapnon ki bohat yaad ayee

aaj beetay howey sawan ko bohat yaad keya

(Sad Urdu/ Hindi Poetry/ Shayari by: Saghir Siddique )

Dono jehan teri mohabat main haar ke

woh jaa raha hai koi shahb-e-gham guzar ke

Ik fursat-e-gunah mili woh bhi chaar din

dekhe hain hum ne hoslay parwardegar ke

Dunya ne teri yaad se begana kar deya

tujh se bhi dilfareb hain ghum rozgar ke

(Sad Urdu/ Hindi Poetry/ Shayari by: Faiz Ahmad Faiz)

Nai kapray badal kar jaon kahan, aur baal bananon kis ke liye

woh shaks tu sheher hi chor geya, main bahir jaon kis ke liye

Muddat se koi aya na geya, sunsaan pari hai ghar ki fiza

inn khali kamron main Nasir abb shamain jalaon kis ke liey

(Sad Urdu/ Hindi Poetry/ Shayari by: Nasir Kazmi)

Phir koi aya dil-e-zar, koi nahin

rah-ro ho ga kaheen aur chala jay ga

Apne be-khawab kawaron ko muqafil kar lo

abb yehan koi nahin, koi nahin aye ga

(Sad Urdu/ Hindi Poetry by: Faiz Ahmad Faiz)

Itna tu hota nahin khandar shaam ke baad

jitna veraan ho jata hai ghar shaam ke baad

Mil ke ik sheher bhego dete hain tanhai ka

ik main, ik mera deda-e-tar shaam ke baad

(Sad Urdu/ Hindi Poetry/ Shayari by: Farhat Abbas Shah)

Iss sheher-e-kharabi main, gham e ishq ke maray

Zinda hain, yehi bari baat hai payaray

Kuch aur bhi hain kaam  hamain aye gham-e-janaN

kab tak koi teri uljhti howee zulfon ko sawaray

(Sad Urdu/ Hindi Poetry/ Shayari by: Habib Jalib)

Lagta nahin gee mera ujray deyar main

kis ki bani hai aalam-e-napaidar main

Keh do yeh hasraton se kaheen aur ja basain

itni jagah kahan hai dil-e-daghdar main

Umar-e-daraz maang kar lay thy chaar din

du aarzoo main kut gay, du intezar main

Kitna hai bad-naseeb Zafar dafan ke leye

du gaz zameen bhi na mili koo-e-yar main

(Sad Urdu/ Hindi Poetry/ Shayari by: Buhadar Shah Zafar)

Iss qadar musalsal theen shiddatain judai ki

aaj pehli baar uss se main ne bewafai ki

Dukh howa jab uss dar per kal Faraz ko dekha

Laakh aib thy uss main, khoo na thee gadai ki

(Sad Urdu/ Hindi Poetry/ Shayari by: Ahmad Faraz)

Na thee hamari kismat ke wesaal-e-yaar hota

agar aur jeetey rehte, yehi intezaar hota

Kahoon kis se main ke keya hai, shab-e-gham buri bala hai

mujhe keya bura tha marna, agar aik baar hota

(Sad Urdu/ Hindi Poetry/ Shayari by: Ghalib)

Subh ro ro ker sham hoti hai

subh tarap kar tamam hoti hai

Saamne chashm-e-mast ke saqi

kis ko parwah-e-jaam hoti hai

(Sad Urdu/ Hindi Poetry/ Shayari by: Buhadur Shah Zafar)

Chupke chupke raat din aansoo bahana yaad hai

Hum ko aaj tak woh aashqi ka woh zamana yaad hai

Dupeher ki dhoop main mere bulanay ke liye

woh tera kothy pe nange paaon aana yaad hai

(Sad Urdu/ Hindi Poetry/ Shayari by: Hasrat Mohani)

Bohat meharban theen woh gulpoosh rahain

Magar hum unhain meherban chor aye

Bagolon ki soorat yehan phir rehe hain

Nasheman sar-e-gulestan chor aye

Ye ijaz hai husn-e-aawargi ka

Jehan bhi gay dastan chor aye

Chalay aye unn rahguzaron se Jalib

Magar hum wahan qal-o-jan chor aye

(Sad Urdu/ Hindi Poetry/ Shayari by: Habib Jalib)

Rukhsat hua tu meri baat maan kar geya

Jo uss ke pass tha woh mujhe daan kar geya

Bichra kuch iss ada se ke rutt hi badal gai

Ik shaks saray sheher ko veran kar geya!

(Sad Urdu/ Hindi Poetry/ Shayari by: Khalid Sharif)

Achi khaslat nahin insaan se nafrat karna

Apna shewa tou hai bandon se mohabat karna

Main ne ik gohar-e-nayab teri nazar keya

Mere mahboob! mere dil ki hifazat karna

Tere anay se sambhal jay ga bemar ka dil

Farz hai yon bhi bemar ki ayadat karna

(Sad Urdu/ Hindi Poetry/ Shayari by: Mannan Qadeer Manan)

Jab tera hukm mila tark-e-mohabat kar dee

Dil magar iss pe woh dharka ke qeyamat kar dee

Pooch betha hon main tujh se tere koochay ka pata

Tere halaat ne kaisee meri soorat kar dee

Keya tera jim tere husn ki hiddat main jala

Raakh kis ne teri sonay ki si rangat kar dee

(Sad Urdu/ Hindi Poetry/ Shayari by: Ahmad Nadeem Qasmi)

Woh jo hum main tum main qarar tha, tumhain yad ho ke na yad ho

Wohi wada yani nebah ka, tumhain yad ho ke na yad ho

Kabhi hum main tum main bhi chah thee, kabhi hum ko tum se bhi rah thee

Kabhi hum bhi tum bhi the ashna, tumhain yad ho ke na yad ho

(Sad Urdu/ Hindi Poetry/ Shayari by: Momin Khan Momin)

Hai dua yad magar harf-e-dua yad nahin

Mere naghmat ko andaz-e-nawa yad nahin

Main ne palkon se dar-e-yar pe dastak di hai

Main woh sael hon jisay koi sada yad nahin

Zindagi jabr-e-musalsal ki tarah kati hai

Janay kis jurm ki saza pai hai yad nahin

Aao ik sajda karain aalam-e-madhoshi main

Loag kehte hain ‘Saghir’ ko Khuda yad nahin

(Sad Urdu/ Hindi Poetry/ Shayari by: Saghir Sidiqui)

Sad Urdu Poetry

Stay tuned more sad urdu poetry ghazals coming soon..!

Categories :
Tags :

Comments are closed.

Translate »