Sad Urdu Poetry Shairy – Faiz, Faraz, Jalib, Momin, Bashir Badar, Insha and more

Himmat ilteja nahin baqi

Zabt ka hosla nahin baqi

Ik teri deed chin gai mujh se

Warna dunya main keya nahin baqi

Ho chukka khatm edh e hijr o wisal

Zindagi main maza nahin baqi

(Sad Urdu Shairy by: Faiz Ahmad Faiz)

Phir hareef e jaan ho bethey

Janay kis kis ko aaj ro bethey

Thee, magar itni bhi raygan bhi na thee

Aaj kuch zindagi sey kho bethey

Faiz hota rahey jo hona hai

Sher likhte raha karo bethe

(Sad Urdu Shairy by: Faiz Ahmad Faiz)

Mohabat ki rangeenyan chor aye

Tere sheher main ik jehan chor aye

Paharon ki woh mast o shadab wadi

Jehan hum dil-e-naghma khawan chor aye

Woh sabza, woh darya, woh pairon k saye

Woh geeton bahri bastiyan chor aye

Bohat door hum aa gay uss gali sey

Bohat door woh astaan chor aye

(Sad Urdu Shairy by: Habib Jalib)

Meri zindagi hai zalim, tere gham se ashkara

Tera gham hai dar-haqeeqat mujhe zindagi se peyara

Woh agar bura na manain tu jehan e ran-o-boo main

Main sakoon-e-dil ki khatir koi dhoond lon sahara

Mujhe aa geya yaqeen sa ke yehi hai meri manzil

Saray rah jab kisi ne mujhe dafatan pukara

Koi aye ‘Shakeel’ poochy, yeh janoon nahin tu keya hai

Ke ussi ke ho gey hain jo na ho saka hamara

(Sad Urdu Shairy by: Shakeel)

Asar uss pe zara nahin hota

Ranj, rahat afza nahin hota

Tum hamaray kisi tarah na howey

Warna dunya main keya nahin hota

Tum mere pass hotey ho goya

Jab koi doosra nahin hota

(Sad Urdu Shairy by: Momin)

Go zara see baat per barson ke yarane gey

Lakin itna tu acha howa k kuch log pehchany gey

(Sad Urdu Shairy by: Khatir Ghaznawi)

Woh shaam, woh  rukhsat ka samaan yad rehey ga

Woh sheher, woh koocha, woh makan yad rehey ga

Woh tees k ubhri thee udhar yaad rehe gee

Woh dard k utha tha yehan yaad rehe ga

Kuch Meer k abyat thy, kuch Faiz k fiqray

Ik dard ka tha jin main beyan yaad rehe ga

Hum bhool sakay hain, na bhool sakain gey

Tu yaad rehe ga, haan hamain yaad rehe ga

(Sad Urdu Shairy by: Ibn e Insha)

Yooni be-sabab na phira karo, koi shaam ghar bhi raha karo

Woh ghazal ki sachi kitab hai, ussay chupkay chupkay parha karo

Abhi rah main kai moar hain, koi aye ga koi jay ga

Tumhain jis ne dil se bhula diya, usay bhoolney ki dua karo

Yeh khizan ki zard see shal main, jo udas pair ke pass hai

Yeh tumharay ghar ki bahar hai, issay aanson se hara karo

(Sad Urdu Shairy by: Bashir Badar)

Ajab halaat thy yoon dil ka soda ho geya aakhir

Mohabat ki haveli jis tarah nilaam ho jay

Ujalay apni yadon k hamary sath rehne du

Na janay kis gali main zindagi ki sham ho jay

(Sad Urdu Shairy by: Bashir Badar)

Main har haal main muskurata rahon ga

Tumhari muhabat agar saath ho gee

Chiragon ko ankhon main mahfooz rakhna

bari door tak raat hi raat ho gee

Pareshan ho tum bhi, parehsan hain hum bhi

Chalo maykaday main waheen baat ho gee

Chiraghon ki lao se sitaron ki zoo tak

Tumhain main milon ga, jehan raat ho gee

Jehan wadiyon main nai phool aye

Humari tumhari mulaqat ho gee

Musafir hain hum bhi, musafir ho tum bhi

Kisi moar pe phir mulaqat ho gee

(Sad Urdu Shairy by: Bashir Badar)

Na ganwao nawik k neem kash, dil e reza reze luta diya

Jo bachay hain sung samit lo, tan e dagh dar luta diya

Meray charger ko naveed ho, saff e dushmenan ko khabar karo

Woh jo qarz rakhte jaan per, who qarz hum ne chukka diya

Jo rukay tu koh e giran thy hum, jo chalay tu jaan se guzar gay

Rah e yaar hum ne qadam qadam tera yadgar bana diya

(Sad Urdu Shairy by: Faiz Ahmad Faiz)

Categories :
Tags :

Comments are closed.

Translate »