Sad Urdu Shayari Poetry – Meri Pasand – Faraz, Ghalib, Nasir Kazmi, more

Iss qadar musalsal theen shiddatain judai ki

Aaj pehli baar uss se main ne bewafai ki

Warna abb talak yoon tha k khawahishon ki barish thee

Ya tu toot kar roya ya ghazal sarai ki

Dukh howa jab kal uss dar per kal Faraz ko dekha

laakh aib thy uss main khoo na thee gadai ki

(Sad Urdu Poetry By: Ahmad Faraz)

Yeh na thee hamari qismat ke  wisaal e yar hota

Agar aur jeetey rehtey, yehi intezar hota

Kahon kis se main ke keya hai, shab e gham buri bala hai

Mujhe keya bura tha marna agar aik baar hota

(Sad Urdu Poetry By: Asadullah Khan Ghalib)

Achi khaslat nahin insaan se nafrat karna

Apna sheva tu hai bandon se mohabat karna

Zakhm kha kha ke bhi woh sabr keye jatay hain

Dard-mandon ke nahin tor shakayat karna

Main ne ik gohar e nayab teri nazr keya

Mere mahboob, mere dil ki hifazat karna

Tere anay se sanbhal jay ga beemar ka dil

Farz hai yoon bhi mareezon ki ayadat karna

(Sad Urdu Poetry By:  Mannan Qadeer Mannan)

Beth jata hon jehan chaon ghani hoti hai

Hay keya cheez ghareeb-ul-watni hoti hai

Lutt geya woh jis ne tere koocha main rakha jis ne qadam

Iss tarah ki bhi kaheen rah-zani hoti hai?

(Sad Urdu Poetry By:  Hafeez Jonpoori)

Aaj tu be-sabab udaas hai gee

Ishq hota tu koi baat bhi thee

Jalta phirta hon dupehron main

Janey keya cheez kho gai hai meri

Waheen phirta hon main bhi khak basar

Uss bharay sheher main hai ik gali

Chupta phirta hai ishq dunya se

Phelti jaa rahi hai ruswai

Aaj tu woh bhi kuch khamosh sa tha

Main ne bhi uss se koi baat na ki

Tu jo itna udas hai ‘Nasir’

Tujhe keya ho geya hai bata tu sahi

(Sad Urdu Poetry By:  Nasir Kazmi)

Apni ruswai, tere naam ka charcha dekhon

Ik zara sher kahon aur keya keya dekhon

Neend aa  jay tu keya mehfil barpa dekhon

Aankh khul jay tu tanhai ka sehra dekhon

Shaam bhi ho gai, Dhundla gaeen aankhen bhi meri

Bhoolne walay, main kab tak tera rasta dekhon

Aik ik kar k mujhe chor gaeen  sab sakhyan

Aaj main khud ko teri yaad main tanha dekhon

Tu mera kuch nahin lagta aye jaan-e-hayat

Janay kiun tere liye dil ko dharakta dekhon

(Sad Urdu Poetry By:  Parveen Shakir)

Kamal e zabt ko khud bhi aazmaon gee

Main apne haath se uski dulhan sajaon gee

Woh keya geya k rifaqaton ke saray lutf gey

Main kis se rooth sakon gee, kis ko manaon gee

Jawaz dhoond raha tha nai mohabat ka

Woh keh raha tha main uss ko bhool jaon gee

(Sad Urdu Poetry By:  Parveen Shakir)

Tu ne dekha hai kabhi aik nazar shaam k baad

Kitne chup chaap se lagtey hain shajar shaam  k baad

Main ne aisee hi gunnah teri judai main keye

Jaisey toofan main koi chor de ghar shaam k baad

Shaam se pehle woh mast apni uranon main raha

Jis ke hathon main thy tootay howey par sham k baad

Loat aye na kisi roz woh awarah mizaj
Khol rakhte hain issi aas per dar shaam k baad

(Sad Urdu Poetry By:  Farhat Abbas Shah)

Categories :
Tags :

Comments are closed.

Translate »