Urdu Poetry/ Shairi by Ahmad Faraz

Abb ke tajdid e waja ka nahin imkan jana

Yad tujh ko keya dilaen tera peman jana

Zindagi teri ata thee so tere naam ki hai

Hum ne jaise bhi basar ki tera ihsan jana

Muddaton se yehi alam ki na tawaqu na ummeed

Dil pukaray hi chala jata hai jana jana

Hum bhi keya sadah thy, hum ne samjh rakha tha

Ghum e doraan se juda hai ghum e jana jana

*****

Barson ke baad dekha ik shaks dil-ruba sa

Abb zehen main nahin hai par naam tha bhala sa

Abru khichay khichay se ankhain jhukki jhukki see

Batain rukki rukki see lehja thaka thaka sa

Alfaz thy ke jugno, awaz ke safar main

Ban jay junglon main jis tarah rasta sa

Khawabon main khawab uske, yadon main yad uski

Needon main ghul geya ho, jaise ke rutjaga sa

Pehle bhi log aye kitne hi zindagi main

Woh har tarah se lakin, auron se tha juda sa

Agli muhabaton ne woh namuradiyan deen

Taza rifaqaton se dil tha dara dara sa

*****

Main maqtal main bhi qismat ka sikandar nikla

Qura e faal meray naam ka aksar nikla

Tha jinhain zoam woh darya bhi mujhee main doobay

Main ke sehra nazar ata tha sumandar nikla

Main ne us jan n baharan ko bohat yad keya

Jabb koi phool meri shaakh e hunar pe nikla

Sheher walon ki muhabat ka main qael hon magar

Main ne jis hath ko chooma wohi khanjar nikla

Urdu Ghazal by Ahmad Faraz

Categories :
Tags :

Comments are closed.

Translate ยป