Urdu Poetry/ Shairi by Habib Jalib

Bohat Meherban theen woh gulposh rahain

Magar hum unhain meherban chor aye

Yeh ijaz hai husne awargi ka

Jehan bhi gey dastan chor aye

Chalay aye un rahguzaron se Jalib

Magar hum wahan qalb o jan chor aye

*****

Is sheher e kharabi main gham e ishq ke maray

Zinda hain, yehi baat, bari baat hai peyaray

Hasrat hai koi ghuncha humain peyar se dekhe

Armaan hai koi phool humain dil se pukaray

Kuch aur bhi hain kaam humain aye gham e jana

Kab tak koi ulajhti huee zulfon ko sanwaray

*****

Muhabat ki rangeeniyan chor aye

Tere sheher main ik jehan chor aye

Paharon ki woh mast o shadab waadi

Jehan hum dil e naghmakhawan chor aye

Wo sabza, wo darya, wo pairon ke saye

Wo geeton bhari bastiyan chor aye

Bohat door hum aa gey us gali se

Bohat door wo astaan chor aye

*****

Yeh aur baat ke teri gali main na aaen hum

Lakin ye keya ke tera sheher chor jaen hum

Muddat huee hai koye butan ki taraf gaye

Awargi ko dil se kahan tak bachaen hum

Benoor ho chukki hay bohat sheher ki fiza

Tareek raston main keheen kho na jaen hum

Us ke beghair aaj bohat gee udas hai

Jalib chalo kaheen se usay dhoond laen hum

Categories :
Tags :

Comments are closed.

Translate ยป