Chicken Shashlik Recipe in Urdu

Chicken Shashlik Ajza

Chicken bot: 1 kg

Adrak pisee huee: 1 tea spoon

Lehsan pissa hua: 1 tea spoon

Soya sauce: 1 table spoon

Safaid sirka: 1 table spoon

Cheeni: 1 tea spoon

Namak: Hasb e zaiqa

Laal mirch kati huee: 1/2 table spoon

Oil: 2 table spoon

Vegitables: Tamatar: 3 adad (chokor tukray kaat kar gooda bana lain aur aik peyaley main sauce bana kar rakh lain), Shimla mirch: 3 adad (beej nikal kar chokor tukrey bana lain), Peyaz: 3 adad (chokor tukray bana lain)

Shashlik ki sauce banany k liye: Tamatar ka bacha hua gooda, laal mirch pisee huee, namak hasbe zaiqa, soya sauce 1 tea spoon, safaid sirka 1 table spoon, tamato sauce 2 table spoon

Vegetables main dalne ke liye: Soya sauce 1 table spoon, cheeni 1/2 tea spoon, kali mirch pisee huee 1/2 tea spoon, safaid sirka 1 table spoon, cooking oil 1 tea spoon

Chicken Shashlik Method

Sab se pehle chicken boti aik jagah rakh ke churi k sath halka halka kuchal lain tak k sab tukrey aik jaise ho jaen. Phir uss main ooper batai gaeen sari ashya achi tarah mila kar adhay ghantay k liye rakh den. Aik bara sa frying pain lay kar halka sa oil dal kar boti phila kar rakhain aur halki aanch par saink lain. Jab aik taraf ka pani khushk ho jay tou palat kar doosri taraf ka pani khushk kar lain. Jab sari botiyan sikk jaen tou aik degchi main daal lain. Abb doosray frying pan main zara sa oil daal kar vegitables daal den. Soya sauce, sirka, cheeni, namak aur kali mirch daal kar jaldi jaldi chamach chala kar 3 minutes baad sabzian nikaal kar chiken boti main daal den. Abb ussi frying pan main tamatar ka gooda, soya sauce , tamato sauce, namak aur laal mirch dal kar halka sa paka kar sauce bana lain. Saday chawal ubaal kar damm kar lain. Shashlik jab khanay k liye nikalna ho tou aik karahi main 4 table spoon oil garam karain 3 lehsan kaat ka oil main light brown kar lain aur ublay chawal daal kar jaldi jaldi tall kar nikal lain. Aik bari dish main sides pe chawal rakhain aur darmeyan main shashlik aur ooper se garm garm sauce daal kar chicken shashlik khaen aur enjoy karain.

 

Categories :
Tags :

Comments are closed.

Translate »