Story in Urdu / Hindi– Ihsan ka Badla Ihsan – Ahsan Ka Badala Ahsan

Ihsan ka Badla Ihsan story:

Aik dafa ka zikar hai ka aik badsha ka ghulam uss k zulm se tang aa kar jungle main bhag geya. Jab woh dorte dorte thak geya tou panah lene k liye aik ghaar (cave) main ja ghussa. Ghaar se aik sher k zoar zoar se dharne ki awaz aa rahi thee. Ghulam ne dekha aik sher bohat takleef main hai aur uss k paon main kanta chubha hoa hai. Uss ne agay brah kar woh kanta nikal deya aur apni kameez phar ka sher ki marham patti kar dee. Sher bohat khush hoa.

Kuch din baad aisaa hoa k badsha ka woh ghulam  pakra geya aur wapis badsha k samne pesh keya geya. Badshah ne uss ki saza ye tajweez ki ussay aik bhookay sher k samnay dala jay phir woh sher jo chahay uss k sath salook karay. Foran badshah k hukam par amal daramad karne ka band o bast keya geya. Jab ghulam  ko sher k agay dala geya tou woh uss k paon chatnay laga jis se badshah bohat heran hoa aur ghulam se poocha ke majra keya hai. Jis ne nokar ne badshah ko sari baat bata dee aur badsha ne ussay azad kar deya.

Ehsan ka Badla Ehsan story (Urdu Story Lion and Mouse):

Aik dafa ka zikar hai k aik chooha jungle main khel raha tha. Khelte khelte woh aik gheri neend main soye sher par bhagne dornay laga. Sher ki aankh khul gai aur uss ne choohay ko pakar liya. Choohay ne sher se kaha: badshah salamat mujhe muaf kar den aur chor den, main kisi roaz apke kaam aaon ga. Sher ne choohay ko chor deya.

Kuch din baad sher shikari k jaal main pans geya aur zoar zoar se dharne laga. Choohay ne sher ki awaz pehchan lee aur apne bil se nikala aur ja kar apne tez danton se shikari ka jaal kaat kar sher ko shikari ke chungle se rehai dilwa dee. Sher bohat khush hoa aur uss ne dil se choohay ka shukriya ada keya.

Categories :

Comments are closed.

Translate »