Urdu Story – Urdu Kahani- Jostajo Lahaasil Rahi

Jostajo Lahaasil Rahi

Ujaala Sindh kay aik gaou main paeda howe thee. Us kay khandaan main larkyoun ko perhanay ka rawaj nahi thaa. Us kay khaandaan main kuch aesi rasmay paey jati thee ju un ko kaafir banati thee leaqin woh loag apni rasmain nahi chortay thay. Ujaala apnay naam ke tarah ujaala he thee. Noor thaa us kay mou per.

Ujaala ka chacha zaad bhaee us say sirf 4 maah bara thaa. Woh jub school janay laga tu Ujaala be roti aur zid kerti kay mujhay be school jana. Us kay khaandaan main larkyoun ko perhanay ka rawaj nahi thaa es liyay usay be school nahi beja jata thaa. Ujaala kay ronay donay ke waja say ussay school janay ke ajaazat day de gae. 5th kay baad woh aagay perna chaahti thee leaqin apni khaan dani rasmay kasay toar sakti thee.

Phir woh aik din bazar gae tu kitaabain lay aaye. Phir ghar walo say chup chup ker raat ko katabain perti rehti. Us ke aik behan hamesha aik elaahida kamray main bund rehti thee aur sara din “ Jostajo lahaasil rahi “ bolti rehti thee. Maa kehti thee kay woh pagal hai aur fazool bolti hai.

Ujaala nay baap aur bhaee say chup ker aathwi kay private papers day diyay aur achay number lay ker pass hu gae. Us nay aesay he daswi kay emtahaan day diyay aur phir F.A. kay be aur achay number lay ker pass howe. Aab ussay apni pagal behan ka fiqra “ jostajo lahaasil rahi “ samaj aanay laga thaa leaqin woh her waqt soachti rehti kay es pagal nay aese koun se jostago ke hu ge ju lahaasil rahi.

Woh apni maa say her waqt yah sawaal poachti thee. Us ke maa usay kehti thee kay agher teray bhaee ya baap nay tera yeh sawal sun leya tu tere be yahi haal hu ga. Aik din Ujaala kay majboor kernay per Ujaala ke maa nay bataya kay us ke behan shoro say pagal nahi hai. Woh apnay khaandan kay rasm-o-rawaaj say bohat tang thee aur kissi aur zaat kay larkay kay saath ghar say baag gae thee. Us kay baap nay larkay ka qatal ker deya thaa aur apni bete ko ghar la ker us ka Quran say nikkah ker kay kamray main bund ker deya thaa.

Ujaala heraan thee kay Quran say nikkah be hu jata tu us ke maa nay ussay bataya kay humaray khaandaan main jin say koe larka shaadi nahi kerta. Us larki ka nikkah Quran say ker deya jata hai. 1 din Ujaala ka 12th ka result card us kay chacha zaad kay haath lug gya tu us nay Ujaala kay saath shadi say enkaar ker deya. Phir Ujaala ka nikkah be Quran saath ker deya geya aur aab Ujaala be aik kamray main “ justajo lahaasil rahi “ kehti rehti hai aur neem pagal hai. Us nay soacha thaa kay woh parh likh ker khaandaan kay rasm-o-rawaj badal day ge leaqin “ justajo lahaasil rahi “.

Categories :

Comments are closed.

Translate »