Urdu Story – Urdu Kahani – Roman Urdu Story

Urdu Story – Urdu Kahani – Roman Urdu Story

Ghar Say Baagi Howe Larki

Main nay aur Sharjeel nay court marriage ke thee. Hum dono he apnay apnay ghar say baagay thay. Filhaal hum Sharjeel kay aik dost kay ghar raeh rehay thay. Phir Sharjeel ko aik jaga nokri mil gae aur hum nay alaehda ghar keraey per lay leya. Humari shaadi ko 4 maah honay walay thay. En 4 maah main Sharjeel nay mujhay dunya ke her khushi thee. Woh mera bohat khayal rakhtay thay. En 4 maah main unhu nay aik baar be mujhay yeh tana nahi deya thaa kay main ghar say baagi howe larki hu. Aab main umeed say thee. Sharjeel khush thay. Unhu nay mujhay ghar aik kaam wali aab rakh de thee ju ghar kay saray kaam kerti thee.

Raat ko ghar aatay tu meray saath methi methi baatain kertay. Sharjeel kehtay thay unhay beta chaahyay. Main soachti thee kay loag bilkul ghalt kehtay hain kay ghar say bagi howe larki ke koe ezat nahi hoti khawand ke nazro main. Phir Khuda nay hum dono ko aik betay say nawaza. Sharjeel ke khushi dedni thee. Sharjeel nay apnay ghar walo say raabta keya aur unhay bataya kay woh aik betay kay baap bun gay howay hain.

Sharjeel kay ghar walo nay kaha thaa kay Sharjeel mujhay aur betay ko lay ker ghar aaa jaey. Sharjeel bohat khush thay leaqin main pershaan thee kay woh loag mujhay taanay deya keray gay kay main ghay say bagi howe larki hu. Sharjeel ke khushi kay agay main nay haar maan le aur susraal aaa gae.

Susraal main aaa ker main heraan raeh gae. Mujhay be susraal main wasi he ezat de ja re thee jasi kay mere bari jathani ko de ja re thee jisay woh loag khud baya ker laey thay. 3 saal hu gay thay mujhay susraal rehtay. Sharjeel be suhaag raat ke tarah pyar kertay thay aur susraal walay be ezat detay thay. Main phir umeed say thee. Es baar be Sharjeel kehtay thay kay larka he hona chaahyay aur larka he howa.

Aik din main himat ker kay apnay dono beto saath apnay mekay ghar chali gae. Rou rou ker maafi mangi tu unhu nay maaf ker deya. Woh khush thay kay un ke ghar say baagi howe larki khush thee aur susraal main ezat say zindagi guzaar rahi thee. 2 saal baad main phir umeed say howe tu Sharjeel es baar be beta he chaahtay thay leaqin bete paeda hu gae.

Main bete ko paa ker be khush thee leaqin Sharjeel mere bete ko meray paas nahi rehnay detay thay. Un ka kehna thaa kay woh yeh larki apni behan ko day dain gay. Main nay waja poachi tu kehnay lagay “ tum aik ghar say bagi howe larki hu aur tum bete ke be aese tarbeyat kero ge. “ Mujhay Sharjeel ke baat sun ker aesa laga kay main achanak asmaan say zameen per aaa gae hu. Aaj pata chala thaa kay mere kitni ezat thee Sharjel ke nazro main.

Read more stories at: https://www.asian-women-magazine.com/category/fun/urdu-stories

Categories :

Comments are closed.

Translate »