Urdu Stories – Urdu Kahanian – Roman Urdu Stories

Elm Ke Roshni

Sawaera Dera Ghazi Khan main paeda howe thee. Woh aik zameendaar ke bete thee. Un kay ghar main kissi cheez ke kami nahi thee sawaey aik cheez kay. Woh kami thee “ elm ke roshni “ ki. Sawaera ka baap sirf 5 jamatay perha thaa aur main unparh thee. Us say baray 3 bhaee aur 1 behan thee. Bhaee be baap ke tarah 5 jamatain peray howay thay. Behan maa ke tarah unparh thee. Un kay khaandaan main larkyo ko taleem dalaanay ka rawaj nahi thaa.

Sawaera ko perhnay ka shoak thaa. Us kay ghar master saahib us kay bhaeyo ko perhanay aatay thay tu bhaee edher udhar hu jatay thay. Tub Sawaera baap aur bhaeyo say chup chup ker kabih kabih parh lete thee. Master saahib dertay thay kay kahi zameendaar saahib ko pata lug gya kay woh un ke bete ko perhatay hain tu un ke khair nahi hu ge. Kabih kabih Sawaera kay bayhud majboor kernay per woh ussay perha detay thay.

Sawaera ko apni aik kaam wali ke zubaani pata chala thaa kay panchwi jamat kay daakhlay ja ray thay. Us nay baap say zid ke kay woh us ka daakhla be bejain. Zameendaar sahib ko apni yeh bete laadli be bohat thee kyoun kay sub say chooti thee aur un ke khidmat be bohat kerti thee chooti se omer say he leaqin woh apni khaandaani rasmay toor be nahi saktay thay.

Aakhir Sawaera kay bayhud majboor kernay per unhu nay us ka daakhla baej deya. Result aaya tu Sawaera achay numbero say paas howe thee. Aathwi aur daswi kay emtahaan be Sawaera nay youn he zid ker kay day diyay aur achay number lay ker pass hoti rahi. Aab aagay college janay ka sawal thaa.

Aab ke baar zameendaar sahib nahi maan rehay thay kyoun kay woh apni laadli bete ko apnay say door nahi bejna chahtay thay. Jub Sawaera nay 1 hafta boak hertaal ke tu unhu nay nachahtay howay us ka admission college main kerwa deya. Saath he ussi taqeed ke kay agher woh achay number lay ker sharifana andaaz main perti rahi tu us ko BA aur MA kernay ke ajaazat be de jaey ge. Agher us nay kissi larkay kay saath ghar say bagnay ke koshish ke tu khaandani rasmo kay mutabie us ka sir be kulhaari saath kaat deya jaey ga.

Sawaera baqaedgi say college jati rahi. College main kuch larkay us say dosti kay khawahishmund thay leaqin us nay kabih dilchaspi nahi le thee. Phir youn he us nay BA aur MA be ker leya. Sawaera khaandaan ke pehli larki thee ju itna perhi thee. Us nay apnay naam ke tarah waaqaey apnay khaandaan main sawaera ker deya thaa. Woh college aur university gae thee leaqin ghar say nahi baagi thee. Us ke masaal ko maday nazar rakhtay howay khaandaan kay dosray loag be apni betyo ko perhanay lagay. Aab us kay khaandan main be elm ke roshni phaelnay lagi thee.

Categories :

Comments are closed.

Translate »