Urdu Stories – Urdu Kahanian – Roman Urdu Story

Urdu Stories – Urdu Kahanian – Roman Urdu Story

Khokhali Khushya

Mera taaluk matwast giranay say thaa. Khush kismati say mere shaadi aik ameer giranay main hu gae thee. Meray husband business man thay. Aksar business tours pay mulk say baahir be jatay rehtay thay. Main bohat khush thee kay mujhay aik khobsorat, taleemyaafta aur ameer khawand mil gya hai. Uzair aur main elaehda ghar main rehtay thay. Ghar main khana pakany kay liyay cook aur safae kernay kay liyay kaam wali aati thee. 1 driver gari samaet her waqt ghar rehta jis ko main jub chahti kahi be lay ja sakti thee. Meray ghar walay mere qismat per rashk kertay thay.

Uzair bohat he achay khawand saabit howay thay. Mera her tarah say khayal rakhtay thay saholato kay hawalay say. Ghar jub aatay thay tu apnay study room main chalay jatay thay. Haftay main 1 din meray paas 1 ganta baeth kay batain zaroor kertay thay. Main nay un kay saath bohat say mulko main gae thee.

Meray khayal main Uzair 1 ideal husband thay. Un main bus mujhay 1 kami nazar aati thee. Woh yeh kay woh ulaad nahi chahtay thay kum uz kum shaadi kay 10 saalo taak. Mujhay maa bunay ka shoak thaa leaqin woh baap nahi buna chahtay thay. Jub be kabih es topic pay un say baat kerti thee tu un ka mood off hu jata thaa.

Shaadi ko 3 saal honay walay thay aur mere koakh abhi taak khali thee. Ghar main koe kaam kernay ko na hota thaa. Uzair kay paas fursat nahi hoti thee. Mujhay denay ko un kay paas her khushi thee leaqin mujhay haqeeqi khushi say unhu nay mehroom rakha howa thaa. Bohat jald mujhay aesay lagnay laga kay meray paas khokhali khushya hain. Meray paas dunya ke her asaesh tu thee leaqin na tu ulaad aur na he khawand ke tawajo thee meray paas. En dono kumyo ke waja say mera ghar main dum gutnay lagta thaa aab. Mere chooti behan ke mujh say baad shaadi howe thee aur aik bete ke maa bun chuki thee woh aab. Meray ghar walay ya susraal walay ulaad kay baray kuch kehtay tu Uzair kehtay kay mere biwi abhi es qaabil nahi howe kay itni bari zimaydari nibaah sakay. Jub hu ge tu ulaad be hu jaey ge. Woh maa nahi buna chaahti.

1 din esse topic ke waja say meray aur Uzair kay dermayaan tu tu main main hu gae aur main nay talaaq ka faesla ker leya. Main nay ghar aaa ker apni waalda say talaaq ke baat ke tu unhu nay kaha tumhara damaagh kharab hu gya hai kya? Itne mohabbat kernay wala khawand mila howa aur her khushi hai paas tu talaaq lena chaahti hu. Khawand kay samany be aese ghair zimaydar bani baethe rehti hu ge. Esse liyay woh maa be tumhay nahi bunay deta.

Main apni waalda ke baatain sun kay ghar aaa gae aur soachnay lagi kay na janay humaray maashray main mujh jasi kitni hu ge jin kay paas khokhali khushya hain.

Categories :

Comments are closed.

Translate »