Urdu Story – Urdu Kahani – Roman Urdu Story

Urdu Story – Urdu Kahani – Roman Urdu Story

Sapna

Main fail howe tu tumhay kya? Tumharay paso say nahi admission main nay leya private college main aur na he tum nay admission fee papers kay liyay pay ke thee. Samjhay tum! Yaha say chaltay phirtay nazar aao mujhay aab! Mahsa apnay cousin say larh ker apna ghussa kum ker re thee fail honay ka.

Mohsin Mahsa kay taaya ka beta thaa. Dono kay maa baap ke khawahish thee kay dono ke shaadi ker day leaqin dono aik dosray ko aik aankh nahi baatay thay. Dono ke aadatain be ult he thee. Mohsin hameesha position lay ker paas hota aaya thaa MBA taak jub kay Mahsa hamesha say he passing marks lete aaa re thee. BA main us nay yeh record fail hu ker toor deya thaa. Mohsin ko us ka result sun ker sakht ghussa aaya thaa. Woh us say poach reha thaa tu Mahsa ulta us say jagar pari thee.

Mohsin ko apni yeh nukchari cousin kabih achi tu kabih buri lagti thee leaqin woh us say shaadi ka khawahishmand nahi thaa. Mohsin ka sapna thaa kay us ke biwi us kay jasi thanday mazaaj wali aur zaheen hu. Mahsa kay papa nay us ke pocket money aadi ker de thee aur kaha thaa kay agher woh Mohsin say perti hai aur 1st division main pass hu ge tu pehlay jasi pocket money milay ge.

Mahsa nay baadil nakhasta Mohsin say perna shoro ker deya thaa leaqin us kay perhanay kay tareqay main nuqs nikaalti rehti. Aahista aahista woh serious hu ker perhnay lagi. Mohsin ko tub andaza howa kay Mahsa asal main kitni zaheen thee. Us nay poori lugan kay saath tayaari ke thee es baar. Result aaya tu us ka A grade aaya thaa. Maaray khushi kay Mohsin nay Mahsa ko galay laga leya leaqin phir Mahsa say juda honay ko dil he nahi chaah reha thaa. Ussay aaj andaza howa thaa kay woh Mahsa say pyar kernay laga thaa. Phir Mahsa nay be MBA ker leya leaqin us ke shart thee kay woh Mohsin say he tution peray ge. Mahsa nay pooray Punjab main top keya thaa. Us ko mulq ke aik mashhoor company main job mil gae.

Mohsin be ussi company main job kerta thaa. Dono aab akathay aatay jatay thay. Aik din jub baarish hu re thee tu Mohsin nay Mahsa say poacha kay kya woh us kay saath shaadi keray ge? Mahsa boli Mohsin kya aap mujhay such main purpose ker ray hain ya main koe suhana sapna dekh re hu. Aap tu bachpun say he mujhay napasand kertay thay aur hamesha nazarandaaz kertay thay. Aap ke tawajo haasil kernay kay liyay he tu main zaheen honay kay bawajood papers buray kerti thee. Taa kay aap chalain dantay he sahi! Baat tu keray gay na! Main tu aap kay saath shaadi say enkaar he nahi ker sakti kyoun kay main tu bachpun say aap ke biwi bunay ka khawaab dekhti aaa re hu.

Categories :

Comments are closed.

Translate »