10 Tips and Totkay/ Upay for Prosperity in Urdu / Hindi

Agar aap khushhaal hona chahte hain tu yeh prosperity tips aap k liye maddadgar sabit ho sakti hain. Khushhaali k lieye hamesha apne Khuda se madad mangtey rehen.

Totkay for Prosperity:

  1. Prosperity (khush’hali) ke leye sab se aham cheez mehnat hai. Mehnat kisi bhi insaan ki kamyabi main bunyadi ahmiyyat rakhti hai. Har khush’haal insaan ya khandan kisi na kisi doar main bharpoor mehnat zaroor karta hai.
  2. Woh kaam karen jo aap ko behad pasand ho – agar woh kaam mohayya nah o tu jo kaam bhi karen uss se payar karen.
  3. Apne ‘goals’ set karen- apko apne maqased ke baray main 100% clear hona chahye ke aap keya hasil karna chahte hain. Apke goals chotey magar kabel e amal honay chahyen. Phir iss baray main tareeky sochain ke aap who goals ya maqased kaise hasil kar sakte hain.
  4. Rozana kuch na kuch naya ya nai baat seekhne ki koshish karen . Unn asbaab ki list banaen jo aap samjhte hain ka aap ko khush’haal nahin hony de rahi. Unn k baray main sochna chorain aur musbat cheezon ke baray main sochain.
  5. Fazool kharchi se bachain. Aisee cheezen jo apke roz marrah istemaal main nahin unn se chutkara hasil karen
  6. Jasmani warzish karen – 20-30 minutes ki tez walk apki sehet ko barqarar rakhne k liye nahayat aham hai. Neez neend poori lain aur khanay peene main bhi ehteyat kare. Yaad rakhen khushaali hasil karne ke liye aik tawana jism bohat zaroori hai. Aur sehet ke beghair khushhali ka koi faida nahin. Jaan hai tu jahan hai.
  7. Agar maali halaat kharab hon tu iss baray main pareshan honey k bejey ke qarz kahan se hasil keya jay, yeh sochain ke aap paisa kamany k leye keya kar sakte hain. Khush’haal hony k liye aik businessman jaise zehniyyat ya zehni soach bohat zaroori hai.
  8. Yaad rakhen halaat kabhi bhi aik jaise nahin rehte – neez ziada tar koi bhi cheez kabhi mukammal (perfect) nahin ho saktee. Lehaza halaat ke saath samjhota karna bhi seekhen.
  9. Mohabatt ki taqat par yaqeen rakhen. Mohabaat bohat se mushkil mali haalat main bhi aap ko zehni khush’haali ya prosperity de sakti hai.
  10. Aagar aap khushaal ho jaen ya pehle hi hain, tu sab kharch na kar den. Kuch kal k leye investment karen.
Categories :
Tags :

Comments are closed.

Translate »