Baal Lambe Karne Ke Gharelu Totkay/ Upay, Tarika in Urdu / Hindi

Lambe aur ghane baal hona har aurat ki khawahish hoti hai laikin aaj kal k zamane main lambe aur sehat mand, chamakdar baal hasil karne aur inhe barqarar rakhne ke liye kafi mehnat aur tawajah darkar hai. Chemical shuda shampoo aur gels istimal karne se baalon ki khubsurti maand par jati hai. Gharailoo totkon se he lambe, ghanney baal hasil karna mumkin hai jin main se khuch totkay aur nuskhe ye hain:

Baal Lambay Karne Ke Gharelu Totkay (Upay) in Urdu/ Hindi:

  • Sab se pehle to ye k khawateen ko apni ghiza ka khas khiyal rakhna chahiye. Ziada se ziada protein wali ghiza ka istimal karna chahiye jis main andey, doodh, machli, dahi, daalain aur khushk mewajat shamil hain.
  • Sarsoon ke tail ka baqaida istimal lambe baal hasil karne main madad gar sabit hota hai.
  • Nariyal ke tail ka massag kar ke isey baaloon main 1 ghanta laga rahne dain. 1 ghante k baad baal dho lain.
  • Is maqsad k liye ghar main bhi shampoo banaya ja sakta hai. Is k liye amla aur leemo k rus ki barabar miqdar mila kar baaloon main istimal karain.
  • 2 andoon k zardiyan, 2 khane k chamach ulsi ka tail aur 2 khane k chamach rim ko achi tarha aapas main mila kar baaloon main kam uz kam 1 ghante k liye lagain.
  • Pani main raat ko imli bheego dain. Subah pani ko chhan lain aur phir is pani se baal dho lain. Baal dhone ke baad nariyal ka tail ka massag kar lain.
  • Loki chheel kar kuddoo kash kar lain. 1 karahi main sarsoon ka tail garam kar lain phir es tail main loki dal kar hulka sunehra kar lain. Jab tail thanda ho jai to isse chhaan lain aur 1 botal main bhar lain aur phir hasb-e-zaroorat istimal karain.
  • Amla, hareer aur heerdah ko barabar miqdar main koot kar safoof bana lain. 1 glass garam pani main ye safoof dalain aur is se sar dho lain.
  • Leemo ka rus tail main mila kar baaloon main maalish karain.
  • Seeka-kai aur reethe barabar miqdar main lai kar pees lain aur un ka safoof bana lain. 1 glass garam pani main ye safoof dalain aur is se sar dho lain.
  •  2 qatre leemo key rus main 5 se 6 qatre zaitoon ka tail mailain  aur nahane k baad geele baaloon main massag karain aur dhoop main baaloon ko sookhne dain. Is se bal lambe aur chamakdar ho jain gey.
  • Baaloon ko lamba aur ghana karne ka aik tarika ye hai k taaza nariyal ka pani istimal karain.
  • 4 khaney k chamach dahi, 2 khaney k chamach khalis mehndi, 1 khaney ka chamach nariyal ya zaitoon ka tail mila kar baaloon main kam-uz-kam 20 minutes tak laga rahne dain. Ye amal hafte main 2 baar kia ja sakta hai.
  • Baal lambe karne ka aik desi gharelu totka ye hai k arandi ke tail k istimal keya jay.
  • Gaajar ka tail baaloon ke liye bohat mufeed hai kyun ke ye vitamin “A” se bharpoor hota hai.
  • Aarnika aur seeka-kai ke tail ko mila kar istimal karne se baaloon par achhe asraat muratab hote hain.
  • Khanay main daal, dehi, machli , palak  aur doosri poultry ki cheezain jaise anday, chicken weghaira ka ziada istema bal lambay karne k liye mofeed totka hai.
  • Stress se bachain aur active life style apnaen.

Ye  thy hamare baal lambe ghany karne k chand totke aur tarike.

Categories :

Comments are closed.

Translate »