Desi Totkay/ Upay for Open Face Pores (Chehre k Mousam) in Urdu / Hindi

Chehray ki jild kay khulay howay massam (open face pores) ko bund karnay kay asaan gharelu desi totkay aur nuskhay.

Chehray ki jild bhut hassas hoti hai or hamaray chahray ki khobsorti or haifazat kay lilyay zaroroi hai kay ham apnay chahray ka khas khayal rakhai. Iss ko dhop ki tamazazat say bachain or is baat ka khayal rakhay kay bahar janay say phalay or wapis anay kay baad moun saaf pani say aik dafa dho kar us par kioe bhi achi cream zaror lagaen.

Baaz awqat bazahar batai janay walay herbal facials or polishers bhi jild kay liyay nuqsan deh hotay hain kion kay un mey bhi chemical shamil hotay hain. Jo aam tour par batai nahin jatay or agar in procedures karwanay kay baad jild ka khayal na rakha jai tou hamari jild ki oper wali satah kay mousam yani pores khul jatay hai .

Jab bhi koi facial ya skin polisher karwaya jata hai tou iss baat ka khas khayal rakhna chahiyay kay who tareeqa hamari jild kay liyay khatarnak na ho. Agar nuqsan puhunchanay ka dar ho tou phir who procedure nahi karwana chahyay.

Khobsorti ko barhanay kay liyay mukhtalif tareeqay say beauty parlor waly logon ko dawat daytay hain magar jab tek app un say tafsil say na pochain who sahi baat nahi batay. Agar koi un say sawal nahi karta tou who us ko facial yeh polisher yeh dosray or procedure day kar farig kar daytay hai or gher aakar us ko malom hota hai kay us kay chehra jaga jaga say laal ho raha hai or jild par irritation horahi hai.

Jild kay khulay howay massam buhut bari prayshani ka bais bun saktay hai. Agar hum barwaqt in par tawajo na day tou pimples or dossri problems shuro ho janay ka khatra hota hai.

Jab bhi koi skin procedure karwaya jai tou koshish karni chahiyay kay us ko karqanay kay liyay buhut hi mahir beauticians kay pass jai. Who is baat ka khayal rukhti hai kay skin treatment kay baad jild kay khulay howay massam ko bund karna kitna zarori hai or who is baat par tawajo day gi.

Aik tareeqa khulay howay massam ko bund karnay ka yeh hai kay un par baraf rukhi jai. Baraf ko bareek saaf kapray mey lapait kar chahray par rukhay .
Chahray par multani mitti ka mask laganay say bhi khulay howay massam bund karnay mey mudad milti hai.

Tamatar kay rus ko chahray par laganay say bhi khulay howay massam bund hotay hai. 5 chamchay tamatar ka rus , adha spoon honey or chand qatray lemo ka rus mila kar chahray par lagai or 10 say 15 munites kay liyay chor day. Phir saaf pani say dho lay.

Raat ko sonay se pehle baking soda aur neem garm pani ko brabar miqdar main mix karen aur chehre per laga kar golaee main massage karen aur thanday pani se dho lain. Ye amal haftay main 4, 5 bar dohraen. Face ke band mousaam khul jaen gey.

Raat ko sonay se pehle dehi chehre pe laga kar 10-15 minute baad dho lain. Ye open pores totka haftay main aik baar kafi hota hai.

Anday ki safaidi ko chehre pe achi tarah mall kar issay khushk honay den. Jab achi tarah khush ho jay tou chehra dho lain. Yeh totka haftay main 1 baar baqadegee se itemal karen.

Aik lemon main aik chamach shehed mix kar lain aur 10-15 mintue tak face pe laga rehne den aur phir dho lain.

Aik kheera lain aur uss ka juice nikal kar chehre pe 10-15 minute k liye lagaen aur phir thanday pani se dho lain.

Baqaidigi say chahray ko scrub karnay say massam khulnay ka amal kum hota hai, or khulay massam bund hotay hai. Haftay may 2 say 3 dafa scrub zaror karna chahiyay.

In tareeqo par amal karkay chehray kay khulay howay massam yani open face pores bund hosaktay hai or in say bacha bhi ja sakta hai.

Open Pores k Misc. Totkay (Upay):

Chehre koi baqadeghee se dhoen kiun ke gardo ghubar pores ko band karne ka bais banta hai – lakin iss baat k bhi kheyal rakhen k chehrey ko bohat ziada dhona bhi sehi nahin
Pani ziada miqdar main peyen aur phal aur sabziyan khaen.
Koi bhi totka istemal karne se pehle haath achi tarah se dho lain aur massage karte howe chehrey ko zoar se na malain.
Chehre pe barf ke tukray 10-15 sec k liye malain

Categories :

Comments are closed.

Translate »