Grey Hair Ya Safaid Balon k Liye Totkay / Upay in Urdu/ Hindi

Waqt se pehle baal safaid yani grey hair pareshani ka baes bante hain. Grey hair ki kai wajoohat ho sakti hain jaisa ka pollution ya aloodgi, zehni pareshani, naqis ghaza aur ghair meyari hair products. Aaj hum apke liye grey hair k chand mofeed totkay le kar aa rehe hain.

Totkay for Grey Hair:

1. Aik pao flaxseed oil (alsi ka tail) , 5 lemon , 3 lehsen, 1 kilo shehed le kar inka juice bana lain. Pehle lemon aur lehsan ko achi tarah mix karen, phir honey aur  flexseed oil daal kar mazeed mix karen aur phir kisi sheeshay ke jar main mehfooz kar lain. Yeh mixture khanay se 3o mintues pehle rozana 3 baar istemal karen.

Ye grey hair totka na sirf balon k liye mofeed totkon main se aik totka hai, bulke iske bohat se aur bhi health benefits hain.

2. Amla ya gooseberry grey hair k ilaj k liye nahayat mofeed hai. Aik chamach amla aur lemon ko mix kar lain aur raat ko sonay se pehle balon par achi tarah laga lain aur subah uth k dho dalain.

3. Henna ya mehndi bhi grey hair k liye aik azmood totka hai jo balon ko mazboot bhi karti.  Mehndi ya henna ko behter nataej k liye amla, coffee powder aur dehi k sath mix bhi keya ja sakta hai.

4. Peyaz ka juice bana lain aur ussay achi tarah se balon pe lagaen aur adhay ghantay se ghatay baad dho dalain.

5. 1 khanay ka chamach lemon juice lain, uss main 2 khanay ke chamach badam ka juice shamil kar k dono ko achi tarah se mix kar lain aur balon pa achi tarah iska massage karna bhi grey hair ka aik azmood totka hai.

Categories :
Tags :

Comments are closed.

Translate »