Skin Care Totkay/ Upay In Urdu/ Hindi

Jild chahay chehray ki ho ya jism kay kisi aur hissay ki, hifazat aur tawajjo mangti hai. Khawateen ki jild mardoon ki nisbat ziada hassas aur nazuk hoti hai. Iss liye unko ziada care aur tawajjo ki zaroorat hoti hai. Akser khawateen chehray ki jild khushk, chikni, dagdaar ya bay ronak honay ki wajha say pareshaan nazar aati hain. Iss kay liye who mukhtalif totkay bhi istemaal kerti hain magar phir bhi akser o baishter woh matlooba nataiz haasil nahi ker paati. In sub masaail ka hull aaj hum apkay liye paish kernay ja rahay hain.

Jild kay masail ki bay tahasa wajohat ho sakti hain. Sub say ziada common wajohat mein jild ka khayal na rakhna, uski safaai per tawajjo na daina, fizaai aloodgi, mauroosi masail, khoraak ki taraf tawajjo na daina, paani kum peena wagaira wagaira shamil hain. Sub log time ki kami ki wajha say beauty parlour nahi ja saktay aur  isi terha bohut say log salons ja kay bohut say paisay bhi kharch nahi ker saktay. Iss liye hum aj apko bohut si aazmooda aur nihayat aasan skin care tips ya totkay btanay ja rahay hain. Umeed hai, jild kay kisi bhi mislay ka hull talash kernay walay mard aur khawateen  iss tehreer say mustafeed ho sakain gay.

  • Gori rangat kay liye totkay”

Rang gora kernay k liye aik asaan aur azmooda tareeka hai, chanay ki daal ko pani ein bhigo ker kuch dair rakh dain phir is ko paani say nikaal ker pees lain. Iss grind ki hoi daal ko doodh mein milain aur garha paste bna lain. Iss paste ko 15 say 20 minute kay liye chehray per laga rehnay dain aur phir saf paani say dho lain. Iss totkay ko rozana istemaal kernay say aap khud daikhain gi kay apki rangat mein nikhaar paida ho raha hai aur rung gora honay laga hai.

  • Baydaag jild kay liye totka:

Aik bohut hee asaan tips hai, aap 5 say 6 badaam, aik chutki haldi powder, ¼ cup chawal lain aur pees lain. Inn mein doodh mila ker paste bnaain. Issp aste ko 20 minute kay liye chehray per lagain aur taaza paani say dho lain. Kuch hee din mein aap nite karain gi kay apkay chehray say daag dhabbay door honay lagay hain.

  • Chehray ki Jhuriyaan khatum kernay kay liye totka:

Aik bohut hee asaan aur side effect say paak totka hai keh aap aik tablespoon besan, 2 teaspoon shehed, 2 teaspoon glycerin, 3 teaspoon cream ya balaai lain. Inn sub cheezoon ko mix ker lain aur chehray aur gurdan ki jild per 15 minute kay liye laga lain. Phir paani say dho lain. Regular istemaal say bohut ziada faida milay ga.

  • Pimples kay liye totka:

Aik leemoon lain aur aadha kaat lain. Ab 15 minute kay pimples per massage karain. 15 minute kay baat paani lain aur uss mein ½ teaspoon namak shamil ker kay chehray ko dho lain. Iss amal ko din mein 2 martaba dohrain. Iss terha apko bohut ziada faida hasil ho ga aur pimples kay daag bhi nahi parain gay. Iss tip say na sirf apkay chehray say pimples khatum hon gay balkay time aur paisay ki bachat bhi ho gi.

  • Gulabi rangat kay liye totka:

Aik podinay ki gaddi lain aur achi terha dho lain. Aik pan mein 2 liter paani lain aur podina daal ker 20 minute kay liye ubaal lain. Jab paani thanda ho jaye tou paani pe lain. Iss paani ko 24 ghanton mein peeti rahain. Zaiqa behter bnanay kay liye thori si shakkr daal ker pee lain. Aik haftay mein apki jild gulabi ho jaye gi.

  • Khushk jild kay liye totka:

Aik adad tamater lain iss mein 1 tablespoon blaai dal ker mix ker lain. 15 say 20 minute kay liye is paste ko chehray per laga rehnay dain aur phir paani say dho lain.  Paani neem garam ho tou ziada acha hai. Iss totkay kay istemaal say apkay chehray ki khushki door ho jaye gi.

  • Chamakdaar skin kay liye totka:

Aik glass paani lain aur iss mein shehed mila lain. Her subah iss paani ka istemaal kain. Aik haftay kay ander apko musbat nataaij milna shuru ho jain gay.

  • Chikni Jild kay Liye Totka:

2 teaspoon pisay badaam lain aur aik cup arq e gulab mein shamil ker dain aura chi terha mix ker lain. Iss mixture ko aik bottle mein rakh lain aur din mein do martaba istemaal karain . Apko chehra saaf shafaf dikhay ga, kisi bhi terha ki chiknahat ka ehsas nahi ho ga.

  • Black head khatum kernay ka totka:

Aik leemoon lain aur isko darmiyaan say kaat lain. Iss ko chehray per laga ker raat bher kay liye chor dain. Subah uth ker chehra dho lain. Is totkay kay istemaal say na sirf black heads khatum ho jain gay balkay jild narm o mulaaim bhi ho jaye gi.

  • Naram o mulaaim jild k liye totka:

Cotton ki madad say doodh chehray per lagain aur 30 minute kay baad thanday paani say chehra dho lain.  Iss totkay ko rozana dohrain. Kuch he dinoon mein apki jild saaf, aur narm o mulaim ho jaye gi.

  • Tar o taaza jild kay liye totka:

Aik bowl mein paani lain aur podinay kay pattay  mila lain. Iss paani say chehray ko dha lain. Iss terha say apkay chehray say thakawat khatum ho gi aur aap ki jild tar o taaza ho jaye gi.

  • Jild Ki Rangat aik si kernay kay liye totka:

Aik tablespoon sandal powder, aik tablespoon tamater ka rus, aik table spoon kheeray ka rus lain aura chi terha mix ker lain. Is ko chehray per laga lain aur achi terha rub karain. Phir 15 minute kay liye chor dain aur phir thanday paani say chehray ko dho lain. Iss totkay ki madad say apkay chehray ki jild ki rangat aik si ho jaye gi.

  • Sooraj ki roshni say jalnay wali skin kay liye totka:

Aik bohut he asaan tareqa hai kay aap rozana rat ko tamater lay ker iskay slice ker lain aur phir chehray per lagaain. Raat ko sonay say pehnay yeh totka istemaal karain aur subah uth ker chehra dho lain. Rozana isstemaal kernay say apki jild soraj ki garmi say jalnay say bachi rahay gi.

  • Sehat mand jild kay liye totka:

Papeeta, kaila aur dahi aik he miqdaar mein lain. Achi terha mix ker kay iss mixture ko grind ker lain. Apnay chehray ko dho ker khushk ker lain aur iss paste ko lagain. Phir kuch dair kay baad thanday paani say chehra dho lain. Rozana istemaal say apki jild khobsorat aur sehat mand ho jaye gi.

Categories :
Tags :

Comments are closed.

Translate »