Smart Honay Ke Liye Asan Totkay (Upay), Tips , Tarika in Urdu/ Hindi

Motapa kis ko pasand hai? Zahir si baat hai koi bhi mota aur ferba jism pasand nahi kerta. Motay jism per na tou koi libaas jachta hai na he mota insan bohut say woh kaam jo woh ba khoobi kerna chahta hai ker pata hai. Larkiyoon k liye smart aur khoobsoorat dikhai daina ziada ehmiyat ka haamil hota hai. Woh na sirf khud k liye smart aur dubli patli nazer ana chahti hain balkay doosroo k liye bhi yeh bat ahem hoti hai. Dubla patla insan na sirf khasa chust(active) hota hai balkay aur bohut say kaam ba asani anjaam day sakta hai. Iss k muqablay mein motapay ka shikar insan bohut say kaam nahi ker pata jo us kay liye shermindagi ka bais puntay hain. Is k sath sath motapa bohut si beemariyoon ka bais bhi bunta hai. Layhaaza sehat mand rehna ho tou motapa kum karain aur sehat mand zindagi guzarain.

Smart Hony k Desi Totkay (Upay) Aur Tips:

1.       Sub say eham cheez mutanasib khorak hai, waqt bay waqt aur ujlat mein khana na sirf stomach k liye nuqsaan deh hai balkay aisaylog jaldi motay ho jatay hain. Lahaza mutanasib khoraak ka istemaal nihayat ehmiyat ka hamil hai.

2.       Exercise ya warzish bhi wazan kum kernay aur smart honay ka behtareen totka hai. Rozana kum say kum 45 minutes walk kerna sehat baksh bhi hai aur falto charbi pighlanay k liye nihayat aham bhi. Iss liye walk ki routine bnaain aur jism say falto charbi ko khatum karian.

3.       Gym ya fitness centers mein bhi jana faida baksh hai kiyun k wahan aap khas terha ki exercise ker k apnay jism k motapay ko kum ker sakti hain.

4.       Chiknahat wali khoraak say perhaiz karain aur taza phal(fruits) aur sabziya(vegetables) istemaal karain. In mein calorie kum hoti hain aur yeh tali(fried) cheezoon aur khanoon mein ziada miqdaar mein hoti hain. Layhaaza inka kum say kum istemaal mauzoon rehta hai.

5.       Paani ka istemaal berhanay say bhi jism ki faltoo charbi pighalti hai.

6.       Nihaar moonh neem garam pani mein leemoon ka rus aur shehed mila ker peenay say wazan kum hota hai aur aap smart ho sakti hain.

7.       Apni ghiza say meethi cheezoon jaisa k mithai, bakery ki cheezain, cakes, biscuits nikal dain.

8.       Green tea ya qehwa ka istemaal bhi nihayat mauzoon samjha jata hai.

9.       Apni khoorak say bakray aur gaye k gosht ka istemaal kum ker dain aur iss ki bajay machli aur murghi ka gosht istemaal karain.

10.   Chawal yani rice ka istemaal kum ker dain, is kay bajay roti ya daliya ka istemaal karain

11.   Ghar ka kaam khud karain, active routine bnain. Saara din farig na baithain aur ghar k aur apnay zaroori kaam khud kernay ki koshish karain.

12.  Mustaqil mizaji kisi bhi kaam k liye bohat aham hoti hai- smart honay k liye iss ki ahmiyyat aur bhi ziada hai.

13. TV kamm dekhen – agar dekhen bhi tou koshish karen k kharay ho k dekhen aur koi halki movement ya exercise karti rehen.

14. Smart hony ka aik tarika ye hai k munasi yoga exercise ki jay.

15. Raat ke khanay ke baad kuch na khaen, aur subah nashta kabhi skip na karen. Khana ahista aur khoob chaba kar khaen.

16. Khanay ka time muqarar karen yani schedule banaen aur uski pabandi karen.

In tamam asan aur azmooda smart honay k totkoo ka istemal apko na sirf sehat mund rakhta hai balkay ap apnay barhay hoay wazan ko bhi kum ker sakte hain. Ye totkay aur tips istemal kar ke smart nazaer ain aur aik sehat mund zindagi ka bherpoor maza uthain.

Categories :

Comments are closed.

Translate »