Totkay and Home Remedies for Nail (Nakhun) Growth in Urdu

Lambay, sehetmand nakhun yani nails tajjuh aur ihteyat chahte hain. Issi tarah khorak ka kheyal rakhna bhi nail growth main madad deta hai.  Zail main nail growth yani nakhnon ko barhane  k chand azmooda totkay pesh keye ja rahe hain.

Home Remedies for Nail Growth:

  • Lehsan (garlic) nail growth ka aik azmooda totka hai. Lehsan ka aik tukra lain aur apne nakhnon par malain. Ya phir lehsan ki paste bana kar ussay kisi achi nail polish main mila lain aur nakhon par lagen aur 2 din baad saaf kar lain. Yeh nail growth ka aik aham totka hai.
  • Khorak main olive oil aur lemon ka istemal karen – yeh dono nakhnon ko barhanay yani nail growth main madad karte. Neem garam olive oil main 10-15 minutes tak nakhun dobonay se nakhnon (nails) ki zahiri khubsurti main izafa hota hai.
  • Calcium nakhon k liye mofeed hota hai. Iss liye khorak main dhoodh, anday aur machli ka istemal bhi nakhnon aur hadion ki growth main madad karta hai.
  • Raatt sonay se pehle kisi achi hand cream ka istemal karen. Iss ke ajzal nails yani nakhnon ko faida dete hain. Cream se nakhnon yani nails ka bhi achi tarah massage karen. Agar apke hath dry hain , tu hath dhonay k baad bhi cream ya lotion ka istemal karen aur nakhnon per bhi lagaen.
  • Phal aur sabzian ziada khaen aur pani bhi ziada peyen
  • Agar apko nakhun katney yani nail biting ki adat hai tu iss se chutkara hasil karen.
  • Nakhnon ko cheezen kholne ke liye istemal na karen.  Cheezen uthatey howe bhi nakhnon par dobao na parnay den, balke baqi hath se cheezen uthain. Mobile phone istemal karte howe bhi nails se type ya dail na karen.
  • Ghar ke kaam kaaj karte howe rubber ke dastanon yani gloves ka istemal karen.
  • Nail polish remover ka istemal aik mah main 2 baar se ziada na karen.
  • Apne nakhnon yani nails ko baqaedgi se tarashain aur inn ki safai ka khas kheyal rakhen.
  • Agar apke nakhun sakht hain tu triming yani kaatne a tarashne se 15 minutes pehle pani main bhego lain, ya phir nahane ke foran baad kaatain.
  • Sabar se kaam leejeye nail growth main bhi time lagta hai
Categories :

Comments are closed.

Translate »