Totkay for Cracked Heels in Urdu/ Hindi – Phati Hoee Airyan Tips

Phatti howee airyan yani cracked heels aj kal aik aam masla hai. Iss ki kai wajhoohat ho sakti hain jaisa ke qudarti tour per dry skin, sard mosam, dry ya khushk mosam,  ziada dair kharay rehene walay kaam,  motapa ya phir khuli jootyon ka istemal waghaira waghaira.

Cracked heels ki care kaise ki jay? Inn k liye hum chand asaan totkay (upay) aur tips le k hazir hain jo Urdu/ Hindi main hain.

Totkay/ Upay for Cracked Heels:

  • Glycerine aur arq e gulab (rose-water) ka mehlool (solution) phati howee airyon ka azmooda totka hai.
  • Raat ko sonay se pehle paon achi tarah dho kar koi acha oil laga kar so jaen. Subah uth kar dho lain aur jitna mumkin ho jarabon ka istemal karen.
  • Haftay main aik baar leemon ke rass main 10 minutes tak paon ko bhego kar rakhen.
  • Paon ko dhona aur moisture lagana phati howee airyon ya cracked heels ke liye aik mofeed totka hai – khast tor per raat ko sony se pehle 15 minutes tak neem garm pani main paaon bhego kar rakhen.
  • Paon ko saaf rakhen aur gard o ghubar se bachain. Neez paon ko halki phulki exercise bhi kartee rehen. Neez nangay paaon chalne se gurez karen
  • Kailay ka paste bana kar heels yani airyon per lagain aur 10 minutes ke baad dhoo lain.
  • Heels ya airyon ko ragar ka saaf karna hamesha hi mofeed hota hai. Sonay se pehle neem garm sabun walay pani main kuch der paon dobo kar rakhen aur phir kisi stone se achi tarah sa ragar kar dho dalain aur koi achi cream heels par laga kar so jaen.
  • Coconut Oil: Sonay se pehle neem garm pani main kuch der paon bhego kar rakhen aur phir unn par kushk kar ke coconut oil laga lain aur narm jarabain pehen ka so jaen. Subah uth kar paon aik martaba phir achi tarah se dho lain. Ye totka matlooba nataej hasil karne k liye kai din tak karen.

Misc. Totkay and Tips for Cracked Heels

  • Ziada khulay ya tang jootay na pehna – balke munasib size ke shoes istemal karen.
  • Paon ko socks ya jarabon se ziada se ziada cover rakhen
  • Goasht, dehi ayr nuts cracked heels ko sehi karne k liye mofeed ghaain yani foods hain.

Paaon aur airyon ki hifazat (feet and heels care) na sirf inn ko khoobsurat banati hai balke yeh paaon ki umoomi sehet ke liye bhi faidamand hai.

Categories :
Tags :

Comments are closed.

Translate »