Totkay/ Upay for Cracked Lips (Phatay Hont) in Urdu / Hindi

Honton yani lips ka khuskh ho jana aur phat (crack) jana  aik qudarti baat. Khas tour par sardion main phatay honton ya cracked lips k imkanat ziada hote hain.

Totkay for Lips:

Hoton par shehed ki teh (layer) lagane se bhi phatay howey honton yani cracked lips ko afaqa hota hai. Shehed ko kuch dair hoton para laga rehne den aur kuch der baad dho lain. Kheyal rakhen ke shehed ko chatain ya khaa na jaen.

Agar aap ko apne hont  yani lips chabanay ki adat hai tu iss se chutkara hasil karen. Aur honton ke phatay howey hissay khench kar utarne ki koshish na karen. Hoton ko waise bhi touch karne se  parhez karen.

Zaiton k tail aur cheeni ka mixture tayyar karen aur hoton par achi tarah lagaen.

Pani ka istemal ziada karen. Baaz oqaat honton k phatnay ki wajah sirf pani ki kami hoti hai.

 Agar shehed wala totka istemal nahin karna chahte tu chap stick ya vasline ka istemal karen

Chehra dhone k baad lips per kisi achi balm istemal karen. Behter hai k balm raat ko laga kar soen aur subah dho lain.

Qudarti tail, jaise ke zaitoon ya nariyal ka tail bhi phatay howey honton (cracked lips) k liye mofeed hain. Bohat see balms main innheen ka istemal keya jata hai.

Zaitoon ka tail, shehed, peanut butter aur cheenee ko mix kar lain aur saaf ungli ki madad se hoton par hafte main aik bar lagaen.

Cosmetics ka ziada istemal na karen

Baaz oqat kuch toopastes bhi lips k phatnay yani crack hone ka bais bantee hain, iss soorat main toothpaste tabdeel kar lain.

Agar kamra ya office khushk hai tu iss main namee ka munasib intezam karen.

Namkeen khushk cheezen jaisa k chips aur nimko weghaira khanay se parhaiz karen

Monh ke zareeye saans na lain.

Categories :

Comments are closed.

Translate »