Totkay For Eyes in Urdu

Ankhain qudrat ka anmol tofha hain aur kisi bhi insan kay liye inki khoobsoorti ko barqarar rakhna bayhadd zaroori hai. Na sirf khoobsoorti balkay inka sehat mand rehna bhi zaroori hai. Iss kay liye hamain na sirf inka khayal rakhna zaroori hai balkay inki hifazat aur khoobsoorti kay liye mukhtalif totkoon ka istemmal kerna bhi eham hai.

Iss choti si tehreer ka maqsad apko aankhoon say mutaliq tamam mufeed totkoon kay baray mein btana hai jo kisi bhi qisam kay maslay kay liye karamad sabit ho saktay hain. Zail mein Aankhoon k liye mufeed totkay aur tips ka zikeer kia jata hai:

Ankhoon ki khobsoorti aur chamak ko berhana:

  • Bay ronak aankkhoon kay liye kheeray ka istemal intehaai mufeed hai. Kheeray kay slice kat ker 5 say 10 minute kay liye anknoon per rakhain aur phir hata ker sada paani say dho lain. Kuch hee arsay mein aankhoon ki bay ronaki chali jaye gi.
  • Papeeta yani papaya ka istemal aankhoon ko chamak daar aur saaf bnata hai.
  • Dhoop say anay kay baad arq e gulaq ka spray kernay say aankhoon ko thandak milti hai.
  • Honey yani shehed kay istemal say bhi aankhon mein chamak aati hai aur nazar bhi tez hoti hai.
  • Gajar ka juice peenay say benaai tez hoti hai.
  • Aankhoon mein sozish ho tou  aalo kay qatlay kaat  ker aankhoon per rakhain. Sukoon milay ga.
  • Neem garam doodh lain aur cotton bhigo ker aankhon per rakhain. Iskay baad taza paani say dho lain.Is say aankhoon mein qudrati chamak aa jaye gi.
  • Ankhoon ki khobsoorti kay kay vitamin A ka istemaal nihayat mufeed hai.
  • Aankhoon mein sozish ya kharish door kernay kay liye arq e gulab ka istemaal bay had faida mand hai.

Palkoon aur bhawaoon ko ghana kerna:

  • Doodh ko garam karain aur iss mein  malmal ka kapra bhigo ker nichor lain aur aankhon per rakhain. Kapra thanda ho jaye tou dobara bhigo ker rakahin. Iss terha yeh amal 4 dafa dohraeen. Kuch hee din mein palkain lambi aur ghani hoon gi aut aankhain khoobsorat ho jain gi.
  • Eye brows ko ghana kernay kay liye inn per rozana raat ko sarsoon ka tail lagain.

Motia ka ilaaj:

  • Ager apko motia ki shikayat hai aur ibtada mein hee tashkhees ho jaye tou khalis arq e gulab say aankhain dhoain aur shehed laganay say motia khatum ho jata hai.

Ankhhon kay gird sayah halkay:

  • Aankhon kay gird sayah halkay hoon tou zaroori hai k rozana raat 8 ghantay ki neend poori karain.
  • Aankhoon kay gird halkoon kay liye aalo ya kheeray kay qatlay kaat ker rakhnay say ferq perta hai aur sukoon bhi milta hai.
  • Kheeray ko kat ker isk juice nikaal lain aur fridge mein rakhain. Phir iss mein kuch qatray lemon ka rus shamil ker kay sayah halkoon per lagain.
  • Haldi powder ko pineapple kay juice mein mila ker halkoon per lagain. Sayah halkay door ho jain gay.
  • Pisa hoa podeena halkoon per laganay say khatir khaw faida hota hai.
  • Halkoon kay liye roghan e badam lagain
  • Roghan e chambaili mein leemoon ka rus mila ker halkoon per lagain. Sayah halkay ahista ahista khatum ho jain gay.
  • Apple jala ker pees lain. iss mein leemoon ka rus aur doodh mila ker halkoon per lagain. Kuch hee din kay isstemaal say ferq per jaye ga.
  • Chaye kay ublay hoay paani ko thanda karain aur cotton ki madad say halkoon per laganay say bhi bohut faida hota hai.

           Aankhoon ki sozish kay liye:

  • Parsley lay ker bareek kaat lain aur fridge mein rakh dain. Kuch dain kay bad isko nikalain aur 15 minute kay liye aankhon per lagain. Aur dho lain.
  • Subah uth ker ager apki aankhain soji hoi hoti hain tou aalo lay ker is ko kaddu kash ker lain aur aankhoon per rakhain. Kuch dair kay baad saf paani say dho lain. Sojan door ho jaye gi.
  • Kheeray ko cheel lain aur bareek pees lain. Isko aankhoon per rakahain aur 20 minute kay baad aankhain dho lain.

Ainak say nijaat:

  • Ager apki nazar kamzor hai tou kaali mirch ka istemaal ziada karain.
  • Apni khoorak mein vitamin A aur D ka istemaal ziada ker dain, maslan, gajar, mooli, tori aur salad ka istemal berha dain.
  • Subah uth ker shabnam kay qatroon per chalnay say beenai tez hoti hai.
  • Chaye, tambakoo aur tez mirch masala khanay say benaai per bura asar perta hai. Layhaza iss say perhaiz karain.
  • Magaz badaam 7 adad, saunf 6 masha, misree 6 masha lain.
    Saunf aur misree ko pees lain aur magz badaam ko kot lain aur sub ajza ko shamill kar lain. Aur raat ko sotay waqt garam doodh kay sath istemaal karen. Magr isky baad pani Har giz na piye. Itni miqdaar main rozana istmaal karty rahain. Is sy nazar is qadar tez ho jati hai k ainak ke zroorat baqi nahi rehti aur dmaag ki kamzori bhi door ho jati hai.
  • Saunf 1 pao, badaam 1 pao aur kali mirch 10 gram lay lain. Inka sfoof bana lain. Raat ko 1 cup doodh kay sath 1 chamach istmaal karen. Ainak say nijat mil jaye gi.

Aankhoon ka dard aur surkhi door kerna:

  • Aankh main din main 4 say 6 baar arq-e-gulaab ka istmaal karen. Kuch din kay istemaal say bohat faida hota hai. Aankh k degar amraaz k liay b ye totka behter hai.
  • Bakri kay doodh main rooee k phaye bhigo kar aankho par rakhain. Chand din aisa karnay say aankhoon ki surkhi door ho jaye ge. Warna doctor say rabta karain.
  • Aankh mein din main 4-6 baar arq-e-gulaab ka istmaal karen. Kuch din k istmaal say bohat faida hota hai. Aankh k degar amraaz k liay b ye totka behter hai.
  • Dhoop mein janay say guraiz karain. Ager jana lazmi ho tou dhoop ka chashma lagain.
  • Ghar wapis aa ker thanday paani say aankhain dho lain. Iss say aankhoon mein jalan aur dard nahi ho ga.
Categories :
Tags :

Comments are closed.

Translate »