Totkay for Removing Stain in Urdu – Cheezon Se Daag Dhabe Door Karne k Tareeke

Kapron, caprpets aur deegar cheezon se daag dhabe aur zung waghera door karne k chand azmoda totkon yani gharelu nuskhon ke sath hum hazir hain.

Totkay/ Upay  for Removing Stains in Urdu / Hindi:

1. Kapron K Daagh Dhobon k Liye Totka

Kapron se dagh dhabe door karne ke liye baking soda aur pani ke mixture se motasira jagah ko achi tarah dhoen.

2. Hathon K Daag Dhabbe Door Karne k Liye Totkay

Sabzion aur phalon k nishan hathon se mitane k liye ublay howe aaloo ka tukra (piece) hathon per malain aur dho lain.

3. Ponon, Table Cloths K Stain k Liye Totka

Ponon, table cloths,  towels, napkins etc., se  salan aur phalon k dhabon ko mitane k like namak (salt) aik behtareen cheez hai.  Aik cheez ka kheyal rakhen k jitni jaldi mumkin ho daagh per salt lagaen , aur phir kuch der baad dhona na bholye.

4. Paint Ke Dag Dhabby Door Karne k Liye

Garm sirka (Vineger) khirki darwazon se paint k dhag dhabay door karne ke liye aik azmooda totka hai. Paint ko mitne k liye sirke ko neem garm pani main mix karen aur paint brush se motasira jagah ko saaf kar den.

5. Kameez aur Shirts Collar K Stain Remove Karne K Liye Totkay

Kameez ya shirt k collar se dhag dhabby door karne k liye hair shampoo se mutasira jagah dho lain – dhaag dhaby door ho jaen gey.

6. Boots ke Dhag Dhabay Door Karna 

Boots k dhag dhabbe dur karne k liye sirka (vineger) aur neemgarm pani se mutasira jagah ko saaf kar lain- vinger ki jagah ubla howa aaloo bhi istemal keya ja sakta hai.

7. Kapron K Dhaag Dhabbey Door Karne k Liye Totke

Kapron se zung ya chaye etc. k daag dhabbe door karne k liye mutsira jagah ko leemon pani (lemon juice) se dhoo lain aur dhoop main sukha lain.

8. Chotey Bachon aur Palto Janwaron K  Daag Dhabe

Chotey bachon aur pets (palto janwaron) k gand k qaleen (carpet) ya gaddon (mattresses ) se dhag dhabe saaf karne k liye sirke aur pani k mehlool se mutasira jagah dho dalain.

9. Carpets Se Greese K Stain Remove Karne K Liye Totke 

Carpets etc. se greese ke daag dhaby door karne k liye baking soda aik azmooda totka hai. Soda aur pani mix kar k motasira jagah par dal den aur raat bhar k liye chor den. Subah uth kar dho lain ya vaccum cleaner se saaf kar lain.

10. Jlay Bartan k Daag Dhabon k Liye Totka

Jlay howe bartan (burnt pan) k nishan mitane k liye garam pani main sirka dal kar bartan ko raat bhar k liye rakh den, subah dho lain daagh khatam ho jaen gey.

11. Furniture Se Kharashain Door Karne K Liye Totka

Furniture pe kharashon ya lakiron k nishan dooor karne k liye akhrot malian.

Categories :
Tags :

Comments are closed.

Translate »