Totke, Tips for Weight Gain Urdu/ Hindi – Wazan Barhanay ka Tarika

Yun tou hum aksar suntey hain kay log wazan kam karnay kay (weight loss) liyay buhut mehnat kar rahe hain, mugar kabhi kabhi yeh bhi sunnay ko milta hai kay kuch log wazan barhanay (weight gain)  kay liaya paapar bailtay hain. Wazan ka zaida hona buhut khatarnak hai orr is ki ziadti say buhat say masalay paida ho jatay hai. Zaida wazan walay log warzish or khoraq ko control kar kay  aur apna life style behtar bana ke wazan ko kum kar nay ki koshish kartay hai. Magar dosri taraf jin logo  ka wazan kam hota hai wo bhi kuch kum parayshan nahi hotay- woh bhi koi aisa tarika ya totka chahte hain k un ka wazan barhne ki taraf mael ho.

Wazan ki kumi kay shikar loog bhi buhut mehnat say wazan ko barhaney (weight gain) ki koshish kartay hain or mukhtalif totkon aur tarikon say wazan ko barhanay (weight gain) ki doar bhag hoti hai.

Desi gharelu totkon mey kafi tareeqay miltay hai wazan ko zaida karnay kay liyay, magar jis tarha wazan kum karna asaan nahi hai , aysay hi kam wazan logon ko wazan zaida karnay mey bhi bari mushkil hoti.

Weigt Gain or Wazan Barhanay k Gharelu Totkay (Upay):

Aik weight gain ya wazan barhany totka tou yeh hai kay din may 2 sy 3 dafa kailay khai jai , un kailay ko sada bhi khaya ja sakta hai or in ka milk shake bana kar bhi kha saktay hai. Chat bhi banaie ja sakti hai or in kay pakoray bhi buntay hai. Kailo kay elawa aam or angor wazan ko zaida kartay hai, or aalo, matar, or digar sabzia jin ko aksar kum khaya jata hai kiyo kay who wazan barhati hai, wazan ziada karnay kay liyay buhut mufeed hai.

Jis tarha wazan kum karnay ky liyay exercise ki jati hai us hi tarha wazan zaida karnay kay liyay bhi exercise  ki zarorat parti hai. Buhut say loog gym jana shuroo kartay hai or khas tour par larkay tou  gym ka istaml khob kartay hai wazan zaida karnay kay liyay. Exercise say jism mey khon ki rawani zaida hoti hai orr khoraq hazim hoti hai, jis say bhook khulti hai or kum wazan walay ko khoraq khanay ka dil chahta hai.

Buhut dafa aysa hota hai kay dil khana khanay ko chahta hi nahi hai orr agar khana khanay ki khoshish bhi ki jai tou zaida khana khaya nahi jata. Aysi sorat mey khoshish karni chahiyay kay taza hawa mey walk karay or thori si warzish kar lai. Khas tour par raat kay khanay kay baad thori walk buht  faidamund hoti hai. Subh ki walk say bhi bhooq lugti hai or agar nashta acha kiya jai tou sara din acha guzarta hai, or jism sahutmund rahta hai.

Wazan zaida karnay kay liyay dodh or dahi say bani hoie cheezay khani bhi faidamund hai, or inn kay sath sath ghost or andao ko bhi khoraq ka hisa banana chaihiyay.

Jin logo ka wazan ya weight kum hota hai who kudaytamadi ki kami ka shikar hojatay hai or un kay jism ki sokhay honay ki waja say un ki shaksiyat mey jhol paida hota. Baaz dafa mehfil mey log un ka mazaq bhi uratay hain. Is soratay hal say bachnay kay liyay oper diyay howay weight gain k totkon par amal kar kay wazan ki kami ko balanced wazan say badla ja sakta hai.

Misc. Totkay to Gain Weight in Urdu/ Hindi:

  • Raat sonay se pehle kuch kha kar soaen
  • Exercise ke elawah easy ya lazy life style apnaen. Koshish karen ke daily nap lain
  • Har waqt apne sath snacks rakhen aur jab bhi bhook ho kha  lain
  • Agar wazan ziada tezi se barhna shuru ho jay tou snacks kamm kar den
  • Stress se bachain aur aisaa tarika dhoondain ji se aap stress kam kar saken aur relax reh saken.
  • Liquid ghaza (milk shake, dhoodhetc) bhi apni ghaza ka hissa banaen
  • Smoking na karen
  • Mustaqil mizaji ko apni adat banae – doosri cheezon ki tarah weight gain karne k liye bhi time darkar hota hai
  • Kam az kam 8 ghantey ki pursakoon neend lain- soye howey wazan ziada bharhta hai.
  • Kuch face yoga exercisesaisee hain jin k karne se wazan to nahin barhta lakin aap ziada healthy nazar aatey hain
  • Meethi cheezen jaisa k cake, chocolate etc. ziada khaen.
Categories :
Tags :

Comments are closed.

Translate »