Totkay / Upay for Blackheads Removal in Urdu / Hindi

Blackheads pimples ki hee aik qisam hain aur akser khawateen inn say pareshaan nazar aati hain. Blackheads ko keel mahasay bhi kaha jata hai. Yeh do iqsaam kay hotay hain white aur black. Blackheads say chutkara panay kay liye zail mein kuch totkay darj kiye ja rahay hain:

Gharelu Totkay/ Upay for Blackheads Removal :  

  • Badam lay ker inko raat bher kay liye paani mein bhigo dain. Subah ko pees lain aur iss paste ko chehray per lagain. Kuch dair laga rehnay dain aur phir halkay hath say massage karain. Blackheads khatum ho jain gay. Iss totkay ko maheenay mein 2 say 3 bar istemmal kernay say blackheads ka masla derpaish nahi aata.
  • Aik khanay kay chamach lemoon kay rus mein aik chutki boric powder aur aik chutki cheeni mila ker aik bottle mein rakh lain. Kuch din kay liye iss mixture ko chor dain. Iss ko blackheads k liye istemaal karain, blackheads khatum ho jain gay.
  • Aloe Vera gel, gajar ka juice aur tamater ka paste lay ker paste bna lain aur raat sonay say pehlay chehray per lagain.  Subah uth ker garam pani say chehra dho lain. Blackheads khatum ho jain gay.
  • 3 khanay kay chamach shehed aur aik chamach dar cheeni ka safoof bna ker mix ker lain. Raat sonay say pehlay iss paste ko chehray per laga lain aur subah uth ker chehra dho lain. 2 haftay kay istemaal say keel mahasay khatum ho jain gay.
  • Aik lemon ka juice, laal angoor ka juice, aik aalo kadookash ker lain. Inn tamam ajza ko mix ker kay 15 say 20 minute kay liye chehray per laga lain aur phir munh dho lain. Iss mask kay istemal say whiteheads aur blackheads dono khatum ho jain gay aur rangat bhi gori ho gi.
  • Dhaniya ky pattay lain aur pees lain. Ab iss mein haldi mila ker paste bna lain aur chehray per lagain. Iss say keel mahasay khatum ho jain gay.
  • Blackheads ko banana ka mauqa na dainay kay liye rozana arq e gulab ka istemal karain. Yeh chehray kay liye tonic ka kaam kerta hai.
  • Vitamin A kay isstemal say bhi blackheads kum ho jatay hain.
  • Tamater ko pees lain aur isko chehray per lagain. Chehray per rozana yeh paste laganay say blackheads khatum ho jain gay.
  • Naak say blackheads khatum kernay kay liye badam aur baisan ka paste lagain. Iss say massage kernay say blackheads khatum ho jatay hain.
  • Baking soda mein paani mila ker paste bna lain. 20 say 25 minute tuk chehray per laga rehnay dain aur phir chehra dho lain.
  • Lemon juice aur dahi ka mixture tayyar ker kay chehray per lagain. Khushk honay per chehra dho lain. iss amal ko haftay mein 2 martaba dohrain blackheads remove ho jain gay.
  • Blackheads removal ka aik aur totka ye hai k 2 chotay chamach khuskh green tea ko thoray se pani main mix kar k motasira jagah pe ahistgi se lagaen aur kuch der baad neem garm pani se dho chehra dho lain.
  • Pure honey (shehed) ko apne chehre pe lagaen aur kuch der baad chehra dho lain
  • Egg white (anday ki safaidi)  ko achi tarah peece ke uss main lemon juice mila lain. Chehre ko achi tarah dhoney ke baad ye mask motasira jagah par laga lain aur adhay ghantay baad dho lain.

In tamam blackheads removal k totkoon ka istemal kernay say jald he aap blackheads say nijat paa saktay hain. Qudrati ajza ka istemaal apko kisi bhi kisam kay mozir asar say bachnay mein madad gar sabit ho ga.

Categories :
Tags :

Comments are closed.

Translate »