Useful Totky for Household Items in Urdu/ Hindi – Gharelo Tips, Tricks for Every Home

Top collection of easy and useful gharelo desi totkey / uppay and tips in Urdu/ Hindi.

Useful Totky:

Achar kharab hone se bachane ke liye totka

achar kharab hone se bachane ke liye is ke martaban ko khushk jagah par rakhein,gile hath se achar na nikaleon,saf chamach martaban main dalein,oil hamesha 2inch achar se upar rehy.

lemon ya sirke main parha achar kharab nahi hota hay.

Churi se hath cut jaye tu

Churi se hath kat jaye or koi cheez na mile to aap honey ko malmal ke kapre par laga kar ungli par lappet dain zakham jaldi bhar jaye ga.

chuntion ke bill ke ird gird haldi dal dain chuntian bahir nahi aein gain.

Bachon ki badhazmi ke liye

bachon ki badhazmi ke liye sabz sonf or thora sa podina le kar aik glass pani main josh de kar rakh lein,bachon ko thora thora pilaien is se badhazmidor ho gi doodh ham ho ga.

rang nikharne ke liye podine ka pani behtareen hay thora sa khushk ya hara podina pani main obal lain or woh rozana piein .

Furniture ko kharab hone se bachane ke liye totka

furniture ko kharab hone se bachane ke liye is ko zatoon ka oil kapre mpar laga kar malein.

darwaze par kale dhabe lage hun to is ko pani or namak mila kar kapre se saf karein.

Salan ke dag ki safai ke liye totkay / upay 

Salan ke dag lag jayein to is ko foran hi pani main dal kar is par sarf dal dain or is ko ragrein saf ho jaye ga.

haldi pisne se hath par dag par jate hain is ke liye foran lemon kat kar hath par mal lain saf ho jate hain.

Zang (rust) ka dag door karne k liye totkay / upay

Zang ke dag khatam karne ke liye is par lemon or namak se malein is ke bad is ko garam pani or saraf se dho lain.

Zung dur (rust removal) ka aik aur asan totkay yeh hai k aluminium foil se zung-aloodah cheez ko ragren.

Neez zung se bachanay k liye lohay ki cheezon ko pani ya nami wali jagah se dur rakhen.

Lipstick ka daag door karne k liye totkey 

Teez garm pani main behgo dein phir saraf se dhoo lein,dag saaf ho jay ga.

White dopate ke liye totka 

Surf main neel or adha chamach namak mila kar dopata dho lein,dopate ki safedi barkarar rehy gi.

Daagh dhabay dur kar k liye totke/ upay:

Namak kitchen towels , table cloths, pono se dhagh dhabay door karne k liye aik mofeed cheez hai

Shirts aur kameez ke collars se dhag dhaby door karne k liye hair shampoo bohat karamad cheez hain. Shampoo collar pe lagaen aur achi tarah ragar ka dho lain

Carpet ya qaleen se dagh dhabay door karne k liye  baking soda aik behtareen cheez hai. Motasira jagah par kafi miqdar main baking soda dalain aur sari raat k liye chor den. subah achi tarah saaf kar lain ya vacumm cleaner se saaf kar lain.

Lakri (Wooden) ke bartanon ke liye totka

Lakri ki bartanon yani wooden utensils ko saaf karne ke liye mineral oil yani maadni tail ka istemal aik behtareen totka hai.  Lakri ko achi tarah mineral oil se malain aur dhoaen na. Iss se na sirf barton mehfooz rehe ga balke uski asal rangat bhi barqarar rehe gee. Neez iss baat ka bhi kheyal rakhen k lakri ka bartan ziada der pani main bheega na rehe.

Kapron ke daag dur karne ke liye totke /upay

Kapron par se seyahi yani ink ke nishan mitane k liye namak (salt) se dhoen.  White karpon se pasinay k daag door karne k liye lemoon ka ras istemal karen.  Kapron se salan ka daag door karne ke liye kisi achay washing poweder ya sabun ka sahara lain. Haldi yani turmeric k nishan mitane k liye soda water main kapron ko bhego kar dhoen.

Farsh ki safai ka totka

Sang-e-marmar (marble) ke farsh (floor) ki safai k liye farsh per thora sirka chikar kar phir kapre ya mop se achi tarah ragar ka saaf kar lain.

Misc. useful household totkay/ upay in urdu and hindi:

  • Anday ko agar baking soda walay pani main obala jay tu  anday ka chilka utarna asaan ho ga
  • Buttons wali shirt ko buttons ki taraf se istree (iron) karne k liye shirt ki andar wali side se istree karen
  • Mukhtalif keys (chabiyon) ki pehchan karne k liye mukhtalif colour ki nail-polish se nishaan laga lain
  • Agar mobile phone ke alarm se aankh na khulti ho tu, mobile ko shishay k glass main khara kar soaen, alram ooncha bajay ga
  • Lambi taar (wire) ko ekatha kar ke hair clip laga den tu taar kam jagah le gee
  • Furniture per lakeerain par jaen tu akhroot ragarney se lakeerain madham ho jaen gee
  • Kailon (bananas) ko fresh rakhne k liye unn ke siray (stems) pe plastic sheet/shopper charha den
Categories :

Comments are closed.

Translate »