Urdu/ Hindi Totkay For Clothes – Kapron ke Daag Door Karna (Upay)

Kaproon (clothes) ki hifazat bay had zaroori hai aur unki daikh bhaal bohut zaroori hai. Na sirf iss terha aap apnay qeemti kapray dair tuk mehfooz rakh sakti hain balkay iss terha apki sakhsiyat per bhi achay asraat murattab hotay hain. Daikhnay walay apki tareef kertay hain aur iss terha aap na sirf khud k liye acha mehsoos kertay hain balkay ap mein khud aitemaadi paida hoti hai. Iss liye kapro ki safai ka khaas khayal rakhna bohut zaroori hai. Akser khawateen kaproon per lag janay waly dagh dhabbon yani stains aur deegar masiaal ko door kernay k liye gharailoo totkay nihayat mufeed aur mauser samjhay jatay hain aur akser khawateen in ka istemaal bhi kerti hain. Zail mein kaproon ki hifazat aur mukhtalif dagh dhabbay (stains) door kernay k liye aazmooda aur karamad totkay jo urdu/ hindi main hain bayan kiye jatay hain.

Gharelu Totkay (Upay) Kapron Ke Dagh Dhabon K Liye:

Ager kaproon yani clothes per khoon(blood) kay dhabbay lag jan tou isko thanday paani say farun dho lain aur ager daagh purana ho jaye tou iss per ammonia laga ker kuch dair k liye chor dain aur phir sirf ya soap say dho lain.

  • Ager kaproon yani clothes per istery(iron) ki wajha say brown daagh lag jaye tou istery per 10 minute k liye tooth paste laga dain aur phir saaf karay say saaf ker lain.
  • Ager istery neechay say jal jaye tou iss say apkay kapray kharaab ho saktay hain. Iss liye jail istery ko saaf kerna bohut zaroori hai. Iss liye isko saaf kernay k liye baking soda laga ker 10 minute tuk chor dain aur phir raigmaal say rager lain.
  • Kaproon per mitti k daagh lag jain tou saaf kernay k liye mitti ko khush honay dain aur jhaar ker utaar lain. Ab is kapray ko taiz garam paani mein sirf daal ker bhigo dain aur dho lain. Daagh saf ho jaye ga. Garam kaproon per say daagh saf kernay k liye petrol ka istemaal karain.
  • Sufaid kaproon ki peelahat door kernay k liye haftay mein aik baar inko paani mein cream of tartar mila ker bhigo dain aur raat bher k liye chor dain. Subah isi paani say dho lain kapray chamak daar ho jain gay.
  • Aik aur tareeqay say kaproon ka peela pan door kia ja sakta hai aur who yeh hai k aap kapray dhonay k baad paani mein leemoon ka rus nichor ker kapray bhigo dain aur kuch dain k baad sookhnay k liye phaila dain. Kaproon ki chamakdaar sufaidi wapis aa jaiye gi.
  • Baar baar kaproon ko dhonay say in kay rung kharab ho jatay hain iss liye inko usi waqt dhoain just waqai zaroorat ho.
  • Taiz aur chamakdaar rungoon walay kapray alag dhoain taa kay inka rung dosray kaproon per na cherh jaye.
  • Kaproon ko bohut taiz dhoop mein na sukhain iss say inkay rung pheekay oer jatay hain.
  • Kaproon ko bohut ziada na nichorain iss terha kapra dair tuk chalta hai aur bilkul naya nazer ata hai.
  • Gota kinari aur kaam walay kapray hamesha malmal k kapray mein lapait ker rakhain iss say inka kaam kharab nahi ho ga. Iss kay sath sath in mein aik chalk ka tukra bhi rukhnay say inka kaam kala nahi hota.
  • Kaam walay kapray dry clean kerwain ya hath say araam say dho lain. Washing machine mein dhona munasib nahi kiyun k iss say un per jo kasheeda kaari ki gai hoti hai who kharab ho jati hai.
  • Agar kapron (clothes) per salan gir jay tu koi acha dish washing powder ya soap mal ka dho lain.
  • Safaid kapron (white clothes) se paseene k neshan dhone k liye lemon ka rass aik behtareen totka hai.
  • Kapron se roshnai (ink) ke daag dhabay door karne k liye namak aik behtareen totka hai. namak milay pani se motasira jagah dho dalain.
  • Haldi (turmeric ) ke dhabay door karne kay liye kapron ko soda water main dhoen. Haldi ya turmeric ke daag door karne ke liye surf excel detergent pe behtreen hai. Neez sunlight ya dhoop main kapray khushk karne se bhi haldi ke daagh dhabhe door hotey hain. Aik aur totka haldi ke daag hatane k liye ye hai k pani, dish soap aur glycerin ko mix kar ke motasira jagah pe lagaen.  Agar daag aik bar dhony se na niklain na hon tou dhone k amal ko bar bar dohraen.
  • Clothes se chaye yani tea k nishan mitane k liye lemon water se motasira jagah ko dhoen aur dhoop main khush kar lain. Agar aik bar dhonain se afaqa na ho tu yeh amal dhoraen.
  • Ghaas (grass) ke dhabe  remove karne ke liye white tooth-paste laga kar tooth brush saaf pani main dobo kar rub karen
  • Collar ke dhabe yani stains remove karne k liye collar par shampoo ka istemal karen. Issi tarah pillow (takye) pe lag janay walay oil stains bhi shampoo se remove keye ja sakte hain.
  • Kapron yani clothes se jalne ke nishan (burn marks) mitane k liye lemon ka istemal karen. Daag wali jagah pe lemon ka ras achi tarah mal kar dhoop main rakh den. Issi tarah vinegar ka istemal bhi jalne ke nishanaat mitane k liye mofeed totka hai.  Baaz oqat kapray ko 24 ghantay tak thanday pani main bhego ke rakhne se daag khudba khud hi mit jatay hain.
  • Kapron se jalne k nishan dur karne k liye hydrogen peroxide bhi bohat mofeed hai. Jalne k nishan pe hydrogen peroxide dalain. Aik safaid saaf kapray ko hydrogen peroxide main bhego ke jale hue kapray pa rakh kar ahistagi se istiri (iron) karan. Hydrogen peroxide main beghoya hoa kapra rakh ke istiri karne ka amal repeat karte rahain.
  • Kapron pe koi bhi daag dhaba paray tou jitni jaldi mumkin ho ussay door karne ki koshish karen. Jitna late dooor karne ki koshish ki jay utna hi dhabe mitne ke imkanaat kam ho jatay hain.
  • Kapron yani clothes ke baaz dagh dhabay totkon ya home remedies se sehi sehi nahin ho sakte, uss surat main kisi dry cleaner se rabita karen.

In totkoo per amal ker kay aap apnay kaproon ki hifazat bakhoobi ker sakti hain, unhain dagh dabhon se azad rakh sakti hain aur dair tuk unka naya pun barqaraar rukh sakti hain.

Related search terms:

Tips to remove stains from clothes in Urdu

Categories :
Tags :

Comments are closed.

Translate »