Urdu Totkay for Naak (Nose) Beauty, Running Nose & Congested Nose

Chehray per sub say numayan dikhaai dainay wali cheez aankhain he hoti hain mager dosray aaza jaisa k hont(lips) aur naak(nose) bhi bohut ehmiyat ki haamil hain. Naak ka khoobsoorat hona bhi bayhadd eham hai aur ager tawajjah na di jaye tou na sirf naak per dahg dhabbay numayaan honay lagtay hain balkay naak kay ird gird ki jild bhi kharab ho sakti hai. Is liye chehray aur jism k baqi hisson ki terha naak ki jild ki hifazat bhi bay hadd ehmiyat ki haamil hai. Zail mein naak k liye mufeed aur aazmooda urdu totkay (home remedies/ upay) darj kiye jatay hain:

Desi Gharelu Totkay (Upay) for Nose:

  1. Naak yani nose pe blackheads hona aik aam si baat hai. Akser mard aur khawateen iss say dochaar hotay hain. Iss k liye sub say behtareen amal gharailoo nuskhoon ka istemaal hai. Aik nuskha hai k kuch badaam raat bher k liye dhoodh mein bhigo ker rakh dain. Subah uth ker in ko pees lain. Ab iss amaizay ko naak per lagain aur khushk honay dain. Thori dair k baad fingers per dhoodh laga ker geela ker lain aur halka halk massage karain aur baad mein paani say dho lain. Blackheads khatum ho jain gay aur apko iss maslay say nijaat mil jaye gi.
  2. Massage aur steam yaani bhaap lainay say bhi blackheads say chutkaara paya ja sakta hai. Sub say pehlay kisi achay moisturizer say achi terha massage karain aur iss kay baad steam ya bhaap lain. Paani mein bheegay towel say naak ko rager ker saf ker lain aur jahan blackheads hoon wahan pe daba ker blackheads nikalain. iskay baad thanday paani say chehra dho lain taa kay khulay masaam bund ho sakain.
  3. Ager apkay naak ki jild chikni hai tou iski scrubbing kerna acha hai. Iskay baad is pe toner lagain aur aakhir mein moisturier ka istemaal karain. iss terha apki naak ki jild ziada dair tuk chikni nahi rahay gi aur ap ki naak per pimples nahi hoon gay.
  4. Ager apki naak k ird girg kalay dhabbay hain tou in k liye kerway(bitter) badaam lay ker inko pees aur doodh ya paani mein mila ker paste tayyar ker lain. In ko naak k ird gird laganay say kalay daag dhabbay door hotay hain. By using it on regular basis you will notice that they will start fading in a few days times.
  5. Ager ap ainak yani glasses ka istemaal kerti hain aur musalsal istemaal ki wajha say naak pe ainak k nishaan per jain tou ap petroleum jelly ka istemaal karain. Rozana istemaal say yeh daag aik haftay mein he halkay hona shuru ho jain gay aur ahista ahista gaib ho jain gay.
  6. Naak ager moti ya chapti ho tou makeup say aap isko chupa sakti hain. Moti naak ko patla dikhanay k liye gehray rung kay shades say contouring karain aur isko khusnuma bnaain.

In urdu totkoon ka istemaal apki naak yani nose k liye nihayat mufeed hai. Ghar per in tamam totkoon ko araam say zmaya ja sakta hai. kabhi bhi naak say mutaliq koi masla darpaish ho tou in urdu totkoon ko istemaal mein la ker matlooba nataij hasil kiye ja saktay hain.

Running Nose Behti Naak K Liye Totkay

1. Sabz chaye yani green tea aur oolong  chaye running nose ya behti naak k liye aik mofeed totka hain.

2. Lemon, shehed aur ginger (adrak) ko garm pani main mila kar peene se bhi running nose ko faida hota hai.

3. Earlobes yani kanon ki lao ka massage karne se bhi behti naak ya running nose main afaqa hota hai.

4. Tissue paper ki ya kisi nurm kapray se naak achi tarah saaf karen. Bar bar naak saf karne se ijtenab karen kiun k iss se naak red ho sakti hai.

5. Gharary karna na sirf gala kharab ke liye mofeed hai, balke yeh running nose yani behti naak k liye be utna hi mofeed hai.

Blocked (Congested) Ya Bund Naak K Liye Totkay

1. 2-5 minutes tak steam (bhaap) lene se band naak yani cogested or blocked nose ko aram pohanchta hai. Steam lene k liye raat sonay se pehle ka waqt ziada munasib rehta hai. Mazeed behter nataej ke liye eucalyptus oil bhi steam main milaya ja sakta hai.

2. Sotay waqt 2 takye (pillows) istemal karen. Agar 2 takye aram deh na lagain tu aik takye ko matress ke neeche rakh lain.

Categories :
Tags :

Comments are closed.

Translate »