Solar Energy Panel (System) for Homes in Pakistan in Urdu – Prices

Solar panel system aaj kal k dour ki aham zaroorat hain. Pakistan main mosam e garma intehai garm hota hai aur iss doran shadeed load shedding hotee. Choonkay mosam intehai garm hota hai yani soraj bilkul saron ke ooper hota hai iss liye solar panel ki efficency bohat barh jati hai aur woh aisay halaat main nahayat karamad hain. Pakistan main solar panel systems ka gharelu (home) istemal bhi barh raha hai.

How Solar Panel System Works:

Solar panel ko aap 2 tarah se istemal kar sakte hain.

i. Ghar main majood UPS battery se solar panel connect kar den taak’ke solar panel system apki batteries ko charge karta rehe ga aur apko ziada bijli milay gee.

ii. Solar panel system ki eledah se wiring bhi karwai ja sakti hai aur iss k liye makhsoos lights aur phankhay bhi lagway ja sakte jo kam bijli lete hain.

Solar panels ko amooman chat pe lagaya jata hai aur unka rukh junoob (south) ke taraf rakha jata taak soorjan har waqt solar panel ki plates per parta rehe. Solar panel aur UPS battery ke darmeyan aik choti cee device lagti hai jisay charge controller kehte hain jo easily market main available hai.

Advantages of Solar Panel Systems:

  • Solar panels se bijli ka bill kam aata hai – solar panel jab aik dafa laga liya jay tou ye muft bijli paida karta hai
  • Agar aap ne solar panel lagwaya hoa hai tu Load shedding ki pareshani nahin hoti
  • Solar panel system se generators jaisa shour (noise) aur dhoaan nahin hota – Solar panels mahol-dost hotey hain aur kisi kisam ki pollution nahin phelatey.

Prices/ Cost of Solar Panel Systems in Pakistan:

Solar panel plates ki cost 8000 (100 watt capacity) se le kar 11000 (150 capacity) tak hain. Charge controller ki price 3000 se start hoti hai. Iss k elewah install karne aur wiring kee kuch cost hoti hai.

Agar aap solar panel ka poora system eledah se lagwana chahte hain tou apko uske liye pankhay (Fans) aur lights (led lights) be kharidnee paren gee. Fans ki prices 3500 se start hoti hain jab k lights amooman chand so rupees ki hoti hain.

Efficiency of Solar Panel Systems in Pakistan:

Pakistan k intehaee garm mosam main solar panels bohat efficient hotey hain aur unn se mukhtalif kam liye ja sakte hain.

Solar panels par chalnay wali nit-naee devices market main aa rahi hain – jaisa ke solar panel fridge, geezers, AC , water pumps, lights, fans etc. etc.

Solar Powered Products/ Devices:

Aaj kal market bohat se solar powered products ya devices dasteyab hain – jaisa ke lights, fans, water heater aur ac waghera.

Misc. Tips in Urdu for Solar Panel System:

  • Apne doston aur rashtedaron jinhon ne solar panel system lagwaya ho un se discuss karain aur unke tajrebaat se seekhain.
  • Solar panel sytem lagwane se pehle aik se zida shops ya stores se price/quote lain
  • Solar panel system ki installation kisi achay mahir electrician se karwaen.
  • Solar panel ka rukh aisee jagah hona chahye jehan ziada se ziada seedhi dhoop parti ho
  • Solar panel system lagwane se pehle watts ka hisab lagaen ke aap ko kitne panels ki zaroorat hai.
  • Solar panel ko waqtan fawaqtan saaf karte rahen
  • Solar panel par kisi darkht waghaira ka saya nahin parna chahye

Solar panel lagwanain k liye shuru main kuch investment chahye hotee hai, baad main iski dekh bhall nahayat aasan hai. Pakistan jaise mumalik jehan tez dhoop parti hai solar panel aap k bijli k bill ko kafi hadd tak kam kar sakta hai aur loadshedding se nijaat dila sakta hai.

Categories :

Comments are closed.

Translate »