Beauty Tips for Clear Skin in Urdu / Hindi

Saaf shaffaaf jild her aurat ki khawahish hoti hai. Iss saaf shaffaf jild ko pana koi asaan kaam nahi. Kuch logoon ko qudrat ki taraf say yeh tofha milta hai iss liye unko ziada mehnat ki zaroorat nahi perti. Magar woh log jo uneven skin tone aur daag dhaboon ki wajha say akser pareshaan nazer atay hain. Khawateen iss silsilay mein ziada pareshaan nazer ati hain.   Aaj hum aapkay sath aisay he kuch beauty tips share kernay ja rahay hain jin ki madad say aap saaf aur clear skin hasil ker sakti hain.

Beauty Tips for Clear Skin:

  • Paani ka istemaal ziada karain. Din mein 8 say 10 glass pani peenay say apkay jism say paani ki kami nahi hoti aur jism say gair zaroori ajza bhi paseenay ki soorat mein nikaltay hain.
  • Apni diet ka khaas khayal rakhain. Kehtay hain jo insaan khata hai wohi uskay chehray aur jism per nazer bhi aata hai. Iss liye hamesha khoorak ka khaas khayaal karain. Koshish karain apni ghiza mein tamaam ajza ka hona bayhadd zaroori hai. Daalain, sabziya, phul, chawal, gandumm, her terha ki ghiza istemaal karain. Taza khana khain. Oily cheezoon ka istemaal kum karain aur koshish karain kay khanay peenay mein ehtiyaat karain. Namak mirch ka istemaal kum karain.
  • Din mein do baar cleansing karain. Dhool matti aur gard ogubaar say chehray per jamnay wala mail apki jild kay liye nihayat nuqsaan ka bais hai. Iss liye iss say bachain aur din mein do baar cleansing ki aadat dalain.
  • Haftay mein 2 bar scrubbing karain aur dead skin say nijat hasil karain.
  • Bihut ziada bath soap ya beauty soap ka istemaal tarq ker dain.
  • Cleansing kay liye zaroori hai kay aap mild cleansers ka intekhab karain aur foaming cleansers kay liye dayhan rakhain kay nuqsaan deh chemicals say paak cleanser istemaal karain.
  • Jild ko munasib tareeqay say moisturize karain. Market mein bohut si achi products dastyaab hain. Kisi bhi achay brand kay moisturizer ka istemaal kerna munasib rahay ga. Who moisturizers jin mein Aloe vera gel maujood ho unka istemaal munasib rehta hai.
  • Iss kay ilawa ager aap chahain tou aloe vera kay pauday say gel hasil ker kay moisturize karain tou bhi faida hasil ho ga.
  • Dhoop mein nikalnay say pehlay sunblock lagana na bhoolain. Iss say jild ki oopri satah kharab nahi ho gi aur rangat kharab bhi nahi ho gi. Koshish karain aap kitchen mein kaam kernay say pehlay aur dhoop mein bahar janay say pehlay sunscreen zaroor lagain takay jild ki hifazat ho sakay.
  • Purana make up istemaal na karain. Hamesha 6 maheenay kay baad makeup ki tamam products ko tabdeel karain taa kay apki jild kharab na ho.
  • Baar baar chehray per hath naa lagain.
  • Ager chehray per daanay wagaira hain tou inko hath say ya kisi cheez say na kharaab karian. Balkay khud he say theek honay dain ya koi cream lagain.
  • Coofee, Chai, cigarette wagaira ka istemaal na karain. Raat dair tuk na jagain. Neend poori karain.

Inn tips per amal karain aur sehat mand skin haasil karian aur clear skin ka lutf uthaain.

Categories :

Comments are closed.

Translate »