Beauty Tips for Fresh Skin in Urdu / Hindi

Chehray ki khoobsurti har insan ki khuahish hoti hai. Tar o taaza jild insan mei dilkashi aur raanayat paida karti hai aur dusron se munfarid banati hai. Mosam jaisa bhi ho, apne chehray ki jild ka khaas khayal rakhna intihaai ehmiyat ka haamil hai kyun ke chehra insan kay jisam ka sab se eham hissa hota hai. Rookhi aur aaloda jild na sirf insan ki kashish ko zarb lagati hai, balke us se kai qisam ki takaleef se bhi dochaar kar deti hai. Yehi wajah hai ke apni jild ka khas khayal rakhna buhat zaruri hai.

Aam taur per daikha gaya hai keh khawateen apni jild ki tarotazgi aur hifazat kay liye mukhtaif totkay aur terqeebain istemal kerti dikhaai daiti hain. Totkat chahay gharelo hoon ya beauty products ka istemaal. Khawateen chahay kisi bhi umer ki hoon apni khoobsoorti per tawajjah daiti hain. Ager aap bhi apni jild ko haseen aur taro taza bnana chahti hain tou Kuch mufeed totkay zail mein darj kiye ja rahay hain jis se aap apnay chehre ki murjhai hui jild ko phir se baronaq bana sakte hain.

Beauty Tips for Fresh Skin:

  • Papita, kaila, aur dahi ko apas me mila kar achi tarha grind kar lain. Apne chehre ko achi tarah se dho kar aur khushk kar ke iss mixture ko apne chehre par achi tarah se lagaen. Adhe ghante baad thande pani se apne chehre ko dho lain. Yeh totka rozana istimaal karne se jild par ronaq aa jae gi.
  • Aik chamach cheeni aur aik chamach dahi barabar miqdaar me len aur achi tarah mix kar len. Is se chehre par massage Karen aur paanch minute baad neem garam pani se dho lain. Aap ke chehre par chamak waazeh ho jaegi.
  • Ek chamach baisan me arq e gulaab aur 6 se 7 qatre leemun ka ras daalen. Tamaam cheezon ko achi tarah mix kar ke chehre aur garden pe lagaen. 15 min baad pani se moonh dho lain.  Jild me yaqeeni nikhaar aega.
  • Do chai k chamach baisan, chaar chai k chamach doodh aur ek chai ka chamach shehed milaen. Tamam cheezon ko achi tarah mix kar ke chehre par lagaen. 20 minute baad moonh dho lain. Chehre pe taazgi numayan hogi.
  • Ek chamach ispaghol k chilkay ko pani mein mix kar ke chehre par 10 min laga rehne dain. Phir saaf pani se dholen. Chehre pe ronaq aa jae gi.
  • Aik bowl mein shehed, baisin aur leemoon kay sath chutki bher haldi powder ko paani mein mix ker k chehray per laganay say chehray ki jild per ronaq aa jaye gi.
  • Ubtan ka istemaal bhi chehray say daag, dhabbay aur bay ronaqi ko door kerta hai.
  • Dahi mein sirka ya leemoon mila ker laganay say chehray ka saara mail aur gard o gubaar door hota hai.

In tips ko istemal kar k aap apnay chehray ki jild ko ghar bethay tar o taza aur pur ronzaq bna sakti hain. Inn tips ka sub say bara faida yeh hai keh inn meiin qudrati ajza ka isstemaal hoa hai iss liye inka koi nuqsaan nahi hota. Bus apni jild ki munasibat say innka istemaal kerna munasib rehta hai.

Categories :

Comments are closed.

Translate »