Beauty Tips for Neck (Gardan) in Urdu / Hindi

Khoobosurat lagnay kay liye khoobsoorti ka ehsaas bohut zaroori hai. Agar ap khud ko khoobsoorat smjhtay hain tu ap khoobsoorat dikhain gay. Khoobsoort dikhnay kay liye ap ka chehra, libas and balon ka andaaz bohut ahamiyiat rakhta hai. Ap kay libaas kay sath sath ap kay jootay ka mach karna bohut zaroori hai. Ap kay chehray kay makeup kay sath sath ap ki gardan ka makeup bhi utna hi eham hai. Aap apnay chehray kay saath saath apni gardan per bhi foundation lagayei aur phir ungli ki porron ki maddad sey khoob achay say phaila dijjye. Yaad rakhyei kay ap ko foundation thapthapaa kar lagani hai malni nahi hai. Agar ap apnay chehray per sirf thodi tak hi makeup ya foundation lagana kaafi smjhti hain tu yaqeenan aap ki gardan ka rang aap kay chehray ki rangat sey zara gehra mehsoos hota ho ga aur dekhnay walon ko achaa mehsoos nahi hota hai. Iss liye tamam mahir e husn gardan kay makeup aur base per bohut twajah detay hain. Thodi ki neechay sey shru ho ker ap ki qameez kay galay tak ka sara hisaay ko khoobsoorti kay sath makeup ya base laga kar apni khoobsoorti mein izafa kijye.

Gardan ki khoobsoorti kay liye aap exercizes kijye. Apni gardan ko dayein se bayein ghumayei aur sir ko agay sey peechay aur peechay sey ahista ahista agay ki taraf jhukayei. Khial rahay kay gardan ki exercise kay doraan aap kisi bhi soorat mein apni gardan ko jhatkay say bachaye. Gardan aur kandho kay darmyian bohut si nazuk ragon ka jaal bicha hota hai aur agar jism kay iss hisay say puray jism kay nervous system ko bhi control kia jata hai tu her mumkin ehtiat kijye kay ap ki kisi bhi exercise ya khail kay doran gardan kay muscles damage na honay payein. Rozana exercise ka mamool apna lijye kion kay ye ap ki gardan kay muscles ko na sirf mazboot karain gi balkay ap ki gardan ki shape aur bhi khoobsoorat ho jaye gi.

Apnay chehray kay saath saath apni gardan ki jild ka bhi khial krein. Garmyion mein amooman gardan ka rang syiah par jata hai. Is sey bachnay ka behtreen tareeqa yeh hai kay aap dhoop mein bahar niklanay say pehlay apni gardan kay charo taraf aur chehray aur baqi jisam kay hison ko kisi achi si sun block cream ki maddad sey bachayein. Suraj ki ultraviolet shuyaein ap ki jild ko jala deti hain aur ap ki jild ki rangat syiahi mayeil ho jati hai. Sun block istemal karnay say ap na sirf in khatarnaak shuaon say bach payein gay balkay apni garden ji jild aur baqi jism kay hison ko bhi syaiahi mayel honay sey bachayein gay. Zara si ehtiat aap ko kayi kisam ki takaaleef sey nijat day gi.

Apni gardan ki jild ki safai per khaas dhyian dijye. Jab bhi aap facial krein tu apni gardan ko qataiee nazarandaaz na kijye. Apni gardan kay pichlay hisay ko bhi usi tarah saaf rkhayei jis tarah aap apnay jisam kay dossray hisson ki hifazat aur dekhbhaal krtay hain.

Categories :

Comments are closed.

Translate »