Beauty Tips for Nose (Naak) – Beauty Tips in Urdu

Insani chehray per sab say numayian naak yani nose hoti hai aur aksar khwateen ki chehray per un ki naak kay ird gird band masaam dhikhayi detay hain jo un kay chehray ki khoobsoorti yani beauty ko mutasir krtay hain. Achi khaasi khoobsoort khatoon ki naak per masaam bnad honay se us kay chehray ki dilkashi maand par jaati hai. Chunanchay yeh zaroori hai kay khwateen apni nak ki jild ko saaf rakhain aur agar masaam band hain tu un ko facial aur mukhtalif tareeqon say saaf karein. Chand nose beauty tips aap kay liye hum likh rahay hain aur ap in ko istemal kijye aur farq dekhyei.

Nose or Naak Beauty Tips:

Apna chehra jab bhi sabun say dhoyein tu apni naak (nose) kay ird gird apni ungli se khoob achay say safai krein. Behter hai kay aap koi cleanser istemal krein. Kisi bhi company ka cleanser istemal kia ja skta hai. Zaroorat yeh hai kay aap jantay ho nap ki jild kis kisam ki hai jaisay kay chikni ya oily, khushk ya dry. Apnay liye cleanser ka intekhaab apni jild kay mutabiq kijye.

Aj kal bohut si makeup bananay wali companies nay blackhead ya whitehead mitanay kay liye apni products market mein paish ki hain. Aap in crèmes, lotions aur cleansing gels ki maddad se apni jild ko khoobsoorat and saaf rakh sktay hain. Blackhead hatanay kay liye ik instant ilaj mojood hai kay aap blackhead removal strips khareed lain. Yeh aik pati numa hai aur is ko apni naak per achay say chipka lijye aur halka sa dbayei. Thori dair bad is pati ko jhatkay sey kheench kar utar dijye. Ap kay naak per mojood blackheads iss pati per chipak jayei gay aur khinchnay kay amal se baa asaani bahir nikal ayein gay. Ap ki naak ki jild saaf ho jaye gi.

Aik aur asaan aur bayhad azmooda tareeqa hai bhaap ki madad say naak per mojood blackheads or whiteheads ka nikalna. Is tareeqay mein pehlay aap apnay chehray ki cleansing kijye. Kuch dair apnay chehray per exfoliation cream sey massage krein aur phir baad mein bhaap lain. Apnay sir per ik toliyia rakhaon aur ubaltay huye paani ko bartan mein daal kar apnay samnay rakh lijye. Tolyia sir per dalay huye bartan kay ooper jhuk jayein aura chi tarah apnay chehray per bhaap lain. Iss ka faida yeh ho ga kay aap kay naak kay ird gird ki jild naram par jaye gi aur masaam garmi ki wjah say khul jayein gay. Chand minute bhaap lainay kay baad apnay chehray ko kisi paper towel ki madad se saaf karein aur apni naak k ird gird mojood blackhead ko apnay nakhuno sey dabyei ta kay who jild mein sey bahar nikal ayein aur iss tarah naak ki jild ko saaf kar lain. Agar aap yehi amal beauty parlour mein jaa kar karna chahyein tu beautician ap kay cheray ko bhaap denay kay baad bohut maharat se ap kay band masam mein phansa hua muwad bahar nikal day gi. Us kay baad mask lagayei aur toner lagayein taa kay khulay huye masaam sukar jayein aur ap ki naak khoobsoorat lagay. Zaroori hai kay baa qayedgi say ghar per ya parlour per facial jaari rahay ta ka yap ki jild mein mojood tamam blackheads, whiteheads nikal jayein aur ap ka chehra khoobsoorat aur rangat khilli khilli mehsoos ho

Categories :

Comments are closed.

Translate »