Beauty Tips for Oily Skin in Urdu / Hindi – Skin Care Tips

Jild kisi bhi kisam ki ho is ki hifazat aur nighedaast bay had zaroori hoti hai. Akser o baishter khawateen mukhtalif jildi masaiyel ka shikar nazer aati hain. Is ki bunyadi wajha adam tawwajjah hai ya galat beauty products aur treatments ka intekhaab hota hai.

Jild ki kaii iqsam hain maslun khush ya dry, chikni  ya oily, normal wagaira. Her qisam ki jild ya skin kay liye khas beauty products aur treatments maujood hotay hain aur isna sahi istemaal nihayat zaroori hota hai. Apni jild ki taskhees k bagair in products ka istemaal nuqsaan deh bhi ho sakta hai. Iss liye behter hota hai keh aap apni jild ki hifazat yani skin care soch samajh ker karain.

Chikni jild (oily skin) ko akser o baishter aik bara masla  samjha jata hai kiyun k is ski maalik khawateen o hazraat amooman jildi massaiyal say dochaar nazer aatay hain. Akser inko pimples yani daanay nikalatay hain ya her waqat chiknahat say bhara chehra inko pareshaan rakhta hai. Garm aur barsaat ka mausam in kay liye khasa mushkil hota hai. Is liye chikni jild k maalik logooon ko ziada hifazat ki zaroorat rehti hai.

Zail mein kuch karamad beauty tips aur totkay darj hain jo k chikni jild ki (oily skin) maalik khawateen aur hazraat istemaal ker saktay hain aur faida utha saktay hain.

Beauty Tips for Oily Skin:

  • Aunday ki sufaidi chikni jild k liye nihayat mufeed hoti hai. Yeh jild ko tight aur chehray kay masaam bund kerti hai.  Aik anday ki sufaidi mein kuch qatray lemoon ka russ mila ker aap isko achi terha mix ker lain. Leemoon ka rus anday ki sufaidi ki badboo ko kum kerta hai. Yaad rahay pehlay achi terha say chehray ko saaf ker lain. Koi bhi acha cleanser jo k khosoosi taur pe chikni jild k liye ho ka istemaal karain aur khusk ker k mask laga lain. 15 ya 20 minute tuk chehray per laga rehnay dain aur dho lain. Garam paani ka istemaal behter hai aur is kay baad oil free moisturizer laga lain.
  • Baisan bhi jild say chiknahat door kernay k liye istemaal kiya jata hai. Baisan mein leemoon ka rus aur haldi powder mila ker lagain aur kis say baad ragger ker aaf ker lain aur saff paani say dho lain. Iss say apkay chehray say falto chiknahat door hoti hai aur rangat saaf hoti hai.
  • Shehed aur leemoon ka rus mila ker aik paste tayyar ker lain aur  chehray per lagain. 15 say 20 minute k baad chehray ko saaf paani say dho lain. Iss say chehray per maujood faltoo chiknahat khatum ho jati hai.
  • Tamater ka paste chehray per laganay say na sirf falto chiknahat door hoti hai balkay chehra naram o mulaain bhi ho jata hai.
  • Kheeray(cucumber) ka russ bhi chehray ka falto tail ya chiknahat door kernay k liye nihayat mufeed hai.
  • Multani mitti ka mask laganay say bhi falto chiknahat khatum hoti hai aur chehra tarotaza rehta hai.
  • Saib(apple) aur leemoon ka rus mila ker laganay say bhi chehray ka faltoo oil khatum hota hai.
  • Aik tablespoon khushk doodh, dahi, aik teaspoon aur aik kheera lay ker cheel lain aur blend ker lain. Is mask ko 15 say 20 minute tuk chehray per lagain aur neem garam paani say chehra dho lain.

In tamam beauty tips aur totkon per amal ker k aap jild ki izafi chiknahat say nijat hasil ker sati hain aur tar o taza aur haseen nazer aa sakti hain.

Categories :

Comments are closed.

Translate »