Beauty Tips for Open Pores in Urdu – Chehray k Khulay Masam

Chehray k khulay masaam (open pores) apkay liye nihayat nuqsaan deh hota hain kiyun k inki wajha say sari aaloodgi aur dhool matti apkay chehray per jumm jati hai. Aur yoon bohut si jild ki bemaariyoon ko dawat dainay ka sabab bunti hain. Khawateen aisay bohut say gharailoo totkay aur beauty tips maujood hain jin ko istemaal kernay say aap na sirf ap apnay chehray k masaam ko bund ker sakti hain balkay ap bohut si jildi beemariyoon say aur dhool matti say bach sakti hain.

Open Pores kay Liye Beauty Tips:

  • Namak aur makkkhhan ko mila ker aik paste tayyar ker lain. Chehray kay khulay masaam (open pores) per lagain aur massage karain.Kuch dair k baad neem garam paani say dho lain.
  •  Cleanser ko moisturizer k sath istemaal karain. Ya aisay cleanser ka intekhab karain jis mein moisturize kernay ki khasiyat maujood ho. Is cleanser k istemaal kay baad thanday paani say chehera dho lain. Thanday paani say dhonay say chehray k masam suker  jatay hain.
  • Aik aur beauty tip hai, aik kheeay ko lay ker kuchal lain aur iss mein leemo ka rus aur aik chaye ka chamach arq e gulab dal dain. Is paste ko malmal k kapray ki do tehoon k beech mein rakh lain aur chechrya per rakh dain. 15 say 20 minute k baad chehray ko paani say dho lain.
  • Haldi powder, multani mitti, sandal ki lakri ka powder aur tmater ka gooda lay ker mix ker lain aur chehray pe laga lain. Is paste ko 20 minute tuk chehray pe laga rehnay dain aur iskay baad chehray ko dho lain. Iss say apkay chehray ka masaam bund ho jain gay.
  • 15-20 minutes rozana tail k massage (essential oil massage) se bhi open pores yani khulay masam kam hote hain. Iss maqsad ke liye zaitoon ka tail, angoor ka tail , badam ka tail ziada mofeed rehte hain. Massage karte howe iss baat ka kheyal rakhen ke massage golai main na karen, balke ooper neeche ya agay peeche karen.  Neez yeh massage ahistagee se na karen balk tezi se karen.  Chand dinon main hi apke chehre k khulay musam kam ho jaen gey aur jild narm o molaem ho jay gee.
  • Tmater aur leemoo ka rus lay ker mix ker lain aur iss ko chehray per laga lain. Iss ko laganay say apkay chehray k masaam suker jain gay aur ap taro taza nazer ain gi.
  • Sufaid sirka aur paani ko braber miqdaar mein mix ker lain aur chehray per lagain. Yeh bhi kaafi faida mund tarkeeb hai.
  • Aik papeetay ka gooda nikal lain aur is ko kuchal lain. Is ko apnay chehray pe 20 minute tuk laga lain aur 20 minute k baad chehra dho lain. Yaad rahay neem garam paani say chehra dhoain.
  • Lemon juice mein anday ki safaidi ko mix ker lain aur chehray per laga lain. 20 minute kay baad chehra dho lain
  • Shehed, cheeni aur leemo ka rus mila ker chehray per laga lain aur ahista say halkay hath k sath massage karain. Is kay baad 20 minute k liye yeh mixture chehray per laga rehnay dain aur neem garam pani say dho lain.
  • Daliya, shehed, leemoo ka rus, baisan aur arq e gulab ko lain aura chi terha tamaam ajza ko mix ker lain. Kuch dair massage k baad 20 minute k liye chor dain aur chehra dho lain, Yeh apkay rung ko bhi nikharta hai aur chehray kay masam ko bund bhi kerta hai.
  • Dahi ka istemaal bhi masaam bund kernay k liye faida mund sabit hota hai.
Categories :

Comments are closed.

Translate »