Homemade Beauty Tips for Skin Care in Urdu / Hindi

Haseen chehra her aurat ka khawab hota hai. Aur haseen chehray k liye khobsorat jild ka hona bohut zaroori hai. Isi liye khawateen ko chahiye k who apni jild ki hifazat (skin care) aur khoobsorti yani beauty k liye ghalairoo (homemade) aur aazmooda totkoon ka intekhaab karain. Is ka faida yeh ho ga key aap kisi bhi kisam k muzhir asraat say khud ko bacha sakain gi. Zail mein jild ki hifazat (skin care) k chand aazmooda totkay darj hain, ziada ter totkay roz marrah k istemaal ki ashiya mila ker bnaye jatay hain iss liye yeh apki jild k liye nihayat mufeed aur faida mund hain.

Skin Care Beauty Tips:

Baisan ka istemaal:

Baisan ya chanay ka aata skin care ya jild ki hifazat k liye nihayat mufeed aur kaii saaloon say istemaal kia jata hai. Ziada ter iska istemaal jild ki safai ya dead skin ko utaranay k liye hota hai. Yeh kehna galat na ho ga k baisan, jism k liye bnaye janay walay scrubs mein sub say khaas aur ahem juz samjha jata hai. Pehlay pehal jism ka massage til kay tail say kia jata tha aur phir aik ubtan jis mein baisan, chawal ka aata, pissay badaam, dahi aur haldi milaii jati thi ka istemaal kiya jata tha. Nahanay k doraan iss paste ko lagaya jata tha aur khoob massage kia jata tha. Is ski madad say ap ki skin na sirf saaf aur shaffaf hoti hai balkay dead skin bhi jher jati hai. Aur aapki jild saf aur chamakdaar ho jati hai. Yeh nuskha aaj bhi istemaal kiya jata hai kiyun k yeh nihayat mufeed aur aazmooda nuskha hai aur iskay koi muzhir asraat bhi nahi.
Baisan ko kali rangat door kernay k liye bhi mufeed samjha jata hai. Chikni jild wali khawateen ko garam mausam mein iska istemaal kerna chahiye. Yeh chehray say faalto oil aur chiknahat ko door kernay k liye istemaal kia ja sakta hai.

Baisan ko dahi, leemoon ka rus aur haldi k sath shamil ker k chehray aur jism k dosray hissoon per lagaya ja sakta hai. Iss paste ko kum say kum 30 minutes k liye chehray per laga lain aur phir dho dain.

Pissay hoaye badaam lay ker baisan mein mix ker lain aur thora sa leemoo ka arq bhi mila lain. Isko chehray per laga ker 20 say 3 minute tuk chor dain aur phir dho lain. Yeh apki rangat ko nikharnay k liye bhi acha totka hai.

Ager baisan ko dahi mein mila ker chehray per lagain tou yeh apkay chehray say tamaam faltoo tail aur chikna pann khatum ker daita hai.

Who khawateen ya mard, jin ki jild per danay nikaltya hoon, unko chahiye k baisan mein sandal ki lakri ka powder mila lain. Ab mazeed is mein haldi powder aur doodh mila lain. 20 minute tuk chehray per laga rehnay dain aur phir dho lain.

Chehray k faaltoo baaloon ko kum kernay k liye baisan ko paani mein mix ker k chehray per lagain aur khush honay per rub ker k uttar lain aur paani say dho lain.

Gardan aur bazzo ki kaali rangat:

Gardan aur baazo ki kaali rangat ko door kernay k liye til k tail say massage kerna chahiye. Baisan, dahi, leemoo ka rus aur thori si haldi mila lain aur isko gardan aur baazo per haftay mein teen dafa lagain. 30 minutes k baad dho lain aur us kay baad til ka tail laga ker massage karain. Massage rozana kerna bay had mufeed hai.

Baaloon ki hifazat k liye 2 tablespoon baisan mein aik anday ki safaidi aur aadhay leemoon ka rus mila lain. Ager ap k baal khush hain tou anday ki safaidi ki jagha zaitoon ka tail istemaal karain. 
Saaf aur gori rangat k liye baisan mein khushk aur pisy hoaye maltay k chilkay aur doodh ki balai mila ker chehray aur gardan per lagain. 15 minute k baad ragger ker utaar lain aur aakhir mein paani say dho lain.

Categories :

Comments are closed.

Translate »