Beauty Tips for Teeth in Urdu / Hindi

Kiya aap aik khoobsoorat muskurahat k maalik bnnana chahtay hain? Ya apni haseen muskurahat ko barqaraar rakhna chahtay hain tou apko apnay daantoon yani teeth ki hifazat kerna paray gi. Aisay bohut say totkay aur beauty tips hain jo k akser log baqaidgi say isstemaal kertay hain aur teeth k liye faida hasil kertay hain.

Na sirf dantoon yani teeth ki hifazat zaroori hai balkay daantoon ki safai ka bhi bayhadd khayaal rakhna nihayat ahem baat hai. Iss per khasoosi tawajah daina zaroori hota hai.

Zail mein aisay he kuch mufeed totkay aur beauty tips aap kay sath share ki jati hain jo k na sirf apkay daantoon yani teeth ki hifazat k liye ahem hain balkay apkay daantoon ki khoobsoorti mein izafay ka bais bhi hain.

Beauty Tips for Teeth in Urdu/ Hindi:

  • Daantoon yani teeth ko sufaid aur chamakdaar bnanay k liye khanay ka soda aur namak mila ker brush karain.
  • Ager apkay daantoon say khoon aa raha ho tou shehed(honey) aur zaitoon ka tail mila ker daantoon per laganay say khoon ana bund ho jata hai.
  • Ager cigarette noshi ki wajha say apkay daant peelay ho gaye hain tou daantoon per soda bicarbonate malain aur saaf karain.
  • Daantoon per leemoon ka chilka malne say chaye, cigarette, paan k daag chalay jatay hain.
  • Daant chamakdaar bnanay k liye koilay ki rakh ya roti ko jala ker rakh hasil ker k saf karain tou daant chamak jatay hain.
  • Daant yani teeth brush kernay say pehlay tooth paste per khanay ka soda aur leemoon k rus k chund qatray daal ker daant saf kernay say dantoon ka peela pan door ho jata hai.
  • Sarsoon (mustard) ka tail lain aur iss mein aik chaye ka chamach namak mila ker daantoon ki safai karain tou daant saf aur chamakdaar ho jatay hain.
  • Leemoon k chilkay sukha ker pees lain aur iss mein namak shamil ker lain. Rozana jub aap daant saf karain tou inn ka istemaal karain. Daant motion ki terha chamakdaar ho jain gay.
  • Raat ko sonay say pehlay aur subah naashtay k baad daant zaroor saaf karain. Iss terha khorak k zarrarat moonh mein nahi rehtay jo k bacteria ki afzaih ka bais hotay hain. Layhaza daantoon ki safai ka khaas khayaal rakhain.
  • Meethay mashroobaat ka istemaal kum ker dain, iss ka faida yeh ho ga k meethay ki wajha say daantoon ki ooperi the kharab honay say bach jaiye gi. Pani, dhoodh, aur namkeen tea ka istemal danton k liye ziada behter hai.
  • Issi tarah meethi cheezon jaisa ke methai, lollypops, chocolates, cakes aur toffee waghair kam se kam khaen.
  • Daantoon yani teeth per strawberries ka gooda ragernay say bhi daant sufaid aur chamak daar hotay hain. Strawberries ka gooda ragernay k baad daant brush ker lain taakay mithaas aur strawberry k zarrat moonh mein na reh jain.
  • Sabziya aur fruits jaisa k gaajar, saib, shaljum, tamatar wagaira ka istemaal kerna bhi nihayat mufeed hai. Kiyun k inn sabjiyoon aur fruits ko khanay k liye chabana perta hai layhaaza is wajha say daantoon per jumnay wala plaque paida nahi hota aur daant peelay aur bayrung nahi ho jatay.
  • Chicken, ghosht aur dhoodh danton ko mazboot banatey hain.
  • 2 khanon k darmeyan koshish karen k snacks na khaen. Agar snacks khanay bhi paren tu dehi, kachi sabzian ya saib weghair khaen.
  • Hamesha kuch bhi khanay k baad daant brush ker lain yak um say kum achi terha kulli ker lain taa kay khoorak k zarray moonh mein na reh jain.
  • Daant dard (teeth pain or teeth ache) main taza peyaz (onion) monh main chand minutes rakhne ya long (clove oil) roi per laga kar mutasara dant per lagany se afaqa hota hai.
  • Nashpati aur dehi danton ki mazbooti yani healthy teeth k liye aham ghazaen hain.
  • Jis dant (tooth) main dard ho us see doori taraf k danton se khana khaen, aur naram ghaza ka istemal karen.

In tamaam teeth beauty tips per amal ker k aap apnay daantoon ko saf shaffaf aur haseen bna saktay hain aur unki dair paa hifazat aur sehat mundi ka bhi bais bun saktay hain.

Categories :

Comments are closed.

Translate »