Beauty Tips for White Hair in Urdu / Hindi- Safaid Balon Ka Hal / Ilaj

Baal apki shakhsiyat ka ahem hissa hotay hain. Lamba hoon ya chootay, ager baal khoobsorat hoon tou aapki sakhsiyat bhi bhali lagti hai. Mager akser daikhnay mein aya hai kay bohut si khawateen aur mard hazraat bhi pareshaan nazer aati hain. Aaj hum aap kay sath white hair ya safaid balon ke maslay say nijaat kay liye kuch totkay aur tips share kernay ja rahay hain jo kay apki madad karain gay.

Beauty Tips for White Hair:

  • 10gm kaala patthar (you can get it from any grocery store or parchoon ki shop) crushed, 1 jute ka piece ash, Aadha kg coconut oil mix karain aur massage karain raat ko sonay say pehlay. Subah uth ker sir dho lain aur aik din chor kay istemaal karain Jald he aapkay baal kalay ho jain gay.
  • Kalaiji ka istemaal kain. Leemoon aur adrak kay sath kalaiji ka istemaal bohut mufeed rehta hai.
  • Zaitoon ka tail, anday, cottage cheese, doodh aur haray pattoon wali sabziyaan apni diet ka hissa bnain.
  • Sika kaai, mash ki daal aur maithi bareek pees lain. Phir iss safoof say sir dhoya karain. Na sirf  baal girna bund ho jain gay balkay baal sufaid hona bhi bund ho jain gay.
  • Aamla ka tail, baaloon ko sufaid honay say bachata hai.
  • Baal dhonay kay liye aamlay ka istemaal bhi nihayat mufeed rehta hai.
  • Sarsoon aur khopray ka tail istemal kernay say bhi baal kalay ho jatay hain.
  • Koshish karain kay gair mayari hair colors ka istemal na karain.
  • Aaloo kay khushk tukray lohay kay bartan mein aik din kay liye bhigo dain. Doosray din iss paani say sir donay say baal siyaah ho jain gay.
  • Til ka tail istemal karain tou baaal haseen aur kalay ho jatay hain
  • Baaloon per desi ghee laganay say bhi baal kalay ho jatay haiin aur sufaid baaloon say nijaat mil jaye gi.
  • Neem kay beej(seed) pees ker baaloon mein lagain tou  baal sayah ho jatay hain.
  • Neem kay pattay ubaal ker inn say baal dhonay say balloon ki sufaidi door ho jati hai.
  • Badaam ka tail 4 tablesppon aur til ka tail 1 tablespoon, inko mila ker baaloon mein lagain aur 20 minute tuk sir ki maalish karain. Aur saaf paani say dho lain.
  • Aik tablespoon namak aur chai ki patii aadha cup lain. Chai ki patti ko aik cup paani mein ubaal lain aur iss mein namak shamil ker lain.  Iss say balloon ka massag karain aur aik ghantay kay baad baal dho lain. Baaloon mein siyahi aa jaye gi. Aur sufaidi say chutkara mil jaye ga.
  • Aamla kay khushk tukroon ko paani mein bhigo ker baal dhoay jain tou white ya safaid baal kalay ho jatay hain.
  • Curry patton ka istemaal bhi baaloon ki sufaidi door kernay mein madadgaar sabit hota hai.
  • Curry patton ko narial kay tail mein ubaal lain aur iss tail say baaloon ka massage karain. Iss say baaloon ki nash o numa bhi hoti hai aur baaloon ki qudrati siyahi bhi wapis aati hai.

Opper diye gaye white hair ya safaiad balon ke totkay aur tips apko baaloon ki sufaidi kay masaail say nijaat dilate hai. Gharelu  totkay jadeed tarikaye ilaj say ziada mufeed aur asaan hotay hain aur unn per kharch bhi kum aata hai.

Categories :

Comments are closed.

Translate »