Beauty Tips In Urdu / Hindi for Nails

Hath aur pairoon ki khoobsoorti bhi khawateen ki khoobsoorti kay liye nihayat zaroori samjhi jati hai. Sirf chehray ki khoobsoorti he kaafi nahi hoti. Khawateen ko chahiye keh chehray kay sath sath haath pair ki hifazat bhi karain aur unki khoobsoorti per khaas tawajjah dain. Haathoon aur pairoon kay naakhun ki nashonuma aur daikhbhaal bhi intehaai zaroori hoti hai.

Beauty Tips for Nails:

Iss mukhtasir si tehreer mein hum apkay sath nails ki hifazat aur khoobsoorti kay liye beauty tips share ker rahay hain. Umeed hai apkay liye faidamand sabit hoon gi:

  • Nakhun chamakdar bnanay kay liye leemoon ka rus inn per lagain.
  • Nakhun mein chamak aur mazbooti kay kay rozana aik leemoon ka rus paani mein mila ker pia karain.
  • Nakhun tootnay say bachanay kay liye, 4 leemoon ka rus lain aur inn mein pisi hoi phitkiri mila ker 20 minute k liye nakhoon per lagaain. Nakhoon tootnay say mehfooz rahain gay.
  • Nakhun per lehson kuchal ker laganay say ya lehson kay paani mein dabo ker rakhnay say bhi nakhun mazboot hotay hain.
  • Bartan ya kapray dhootay waqt gloves ka istemaal kernay say nakhun kharab nahi hotay aur mazboot rehtay hain.
  • Haathoon aur paon kay sath sath nakhun ko bhi moisturize kia karain.
  • Nail polish remover ka bohut ziada istemaal nakhun kharab kerta hai. Iss liye iss say perhaiz karian.
  • Hathoon aur pairoon kay nakhun garam zaitoon kay tail mein bhigonay say bhi nakhun khoobsorat aur chamakdarr hotay hain.
  • Nakhun ko garam sarsoon kay tail mein bhigonay aur massage kernay say inki khushki khatam ho jati hai aur mazboot hotay hain.
  • Ager nakhun fungus ka shikar hoon tou baraber miqdaar mein paani aur saib ka sirka lain aur nakhun iss mein bhigo dain. Phir  paon ya hath ko khushk karain aur zaitoon kay tail say massag karain. Kuch haftoon ya maheenoon mein infection door ho jaye ga.
  • Nail polish ka bayjaa istemaal na karain.
  • Baar baar hath aur paaon na dhoan kiyun kay soap waqaira mein chemicals hotay hain jo na sirf hathoon aur paaon ki jild balkay nakhun kay liye bhi nuqsaan ka bais banti hai.
  • Nail extensions ya manicure aur pedicure baar baar kerwanay say perhaiz karain.
  • Kamzor nakhun kay liye badaam ya zaitoon kay tail mein rozana raat ko nakhun bhigonay say nakhun mazboot ho jatay hain.
  • Ager nakhun tootna shuru ho jain ya un per lines bnnna shuru ho jain tou glycerin ka istemaal karain. Raat ko sonay say pehlay lagain aur subah uth ker hath aur paaon dho lain.
  • Nakhun ki tarash kharash ka khayal rakahin. Aur  proper tareekay say inko file karain.

In beauty tips per amal karain aur apnay hathoon aur paisroon kay nakhun ki mazbooti aur khoobsoorti mein izafa karain. Azzmooda bauty tips honay ki wajha say apkay nakhun toot photo ka shikar nahi hoon gay.

Categories :

Comments are closed.

Translate »