Beauty Tips for Wrinkles in Urdu / Hindi

Koi bhi aurat borha nahi hona chahti chahay who 50 saal ki ho jaye ya iss say bhi ziada. Jawan rehna aur nazer ana ziada ter aurtoon kay liye bohut zaroori hota hai. Yeh unki awwaleen khawahish hoti hai aur iss kay liye who lakh jatan bhi kerti hain. Iss tehreer ka maqsad bhi yehi hai k aisai tamam khawateen jo k khuriyoon ki wajha say pareshaan hai kiyun k who umer say pehlay namoodaar do gai hain ya phir dhalti umer ki wajha say bhi hain tou un say nijaat hasil ker dobara say haseeen aur dilkash nazer aa sakti hain.

Tips for Wrinkles in Urdu:

  • Baisan, shehed, glycerin aur cream ko mila ker aik bowl mein daal lain aur achi terha mix ker lain. Itna mix karain k her cheez mil ker aik jaan ho jaye. Ab iss paste ko chehray aur gardaan per achi terha phaila ker laga lain.
  • Arq e gulab, rogan e badaam, phitkiri lain aur 4 andoon(eggs) ki sufaidi mein paka lain. Juba chi terha pakk jaye tou utaar lain. Raat ko sonay say pehlay chehray per lagain aur iss ka massage karain. Chehray ki jhurioon say nijaat mil jaye gi.
  • Kailay(banana) lay ker achi terha kuchal lain aur chehray aur gardan per laip ker lain. Kuch dair k baad chehra saaf ker lain. Yeh jhuriyoon say nijaat ka behtareen tor hai.
  • Har roz kum say kum 15 minute k liye chehray per balaai say massage karain .
  • Anday ki sufaidi ka mask bhi jhuriyoon ka behtareen ilaaj hai.
  • Dahi mein 2 teaspoon shehed mila ker lagain aur kuch dair k liye chor dain. Aur phir saaf ker lain.
  • Narial ka tail lay ker massage kerna bhi mufeed samjha jata hai
  • Saib aur ananaas(pineapple) ka juice chehray per lagana bhi mufeed samjha jata hai. 10 say 15 minute k liye inko chehray per lagain aur dho lain. Jald afaqa ho ga.
  • Zaitoon ka tail, castor oil au glycerin mila ker 10 minute k liye chehray per lagain. Chehray ki jhuriyaan door ho jain gi. 10 minute kay baad paani say chehra saaf ker lain.
  • Doodh ki balai aur arq e gulab mila lain aur chehray aur gardan per lagain. Halka halka massage karain aur neem garam paani say dho lain. Aik tolia(towel) ko neem garam pani mein bhigo ker chehray aur gardan ko saaf karain aur koi acha sa moisturizer laga lain.
  • Dalia(cereal), cream, namak aur pani mila ker msk tayyar ker lain aur 10 minute tuk chehray per lain. 10 minute k baad neem garam paani say chehray ko saaf ker lain. Jhuriyoon ka khatma ho jaye ga.

In tamam beauty tips per amal ker k aap apnay chehray aur gardan say dhalti umer k asraat chupa sakti hain. Kiyun k jhuriyaan nihayat budnuma maloom hoti hain. Iss liye in aazmooda beuty tips ka istemaal karain aur haseen o jameel nazer ain chahay aap 50 saal ki umer ko he na pohanch jain.

Categories :

Comments are closed.

Translate »