Dulhan Beauty Tips In Urdu / Hindi -Bridal Beauty Tips

Ager anqareeb hee apki shadi honay wali hai tou aap yaqeenan bohut si tarqeebai aur totkoon ki talash mein hoon gi  jin kay istemaal say aap apnay chehray per nikhaar aur khoobsoorti mein izafa ker sakain. Aam taur per larkiyaan shaadi kay mauqay per khush honay kay sath sath pareshaan bhi hoti hain kiyun k woh shadi kay mauqay per sub say haseen nazer ana chahti hain aur shadi kay baad bhi unki khawahish hoti hai kay unki jild aur chehray per tar o taazgi  ho kay who job hi pehnaain, jaisay bhi makeup karain, haseen o jameel aur fresh nazer ain.

Shaadi kay din aur baad mein bhi khoobsoorat nazer anay kay liye dulhanain kuch maheenay pehlay say he her terha ki tarkeebain aur totkay istemaal kerna shuru ker daiti hai. Akser tou kisi beauty salon ya beauty expert ki madad hasil kerti hain aur apni jild ka masail hal kerti hain taa kay shadi k din aur baad mein tar o taaza aur haseen nazar ain.

Who tamam larkiyan jin ki shadi (wedding) anqareeb honey wali hai unko inn beauty tips per amal kerna chahiye taa kay who apni jild aur chehray kay kisi bhi mislay ko solve ker sakain:

Bridal (Dulhan) Beauty Tips in Urdu  

  • Apni sonay ki routine ager durust nahi tou usko durust karain. Kum say kum 8 ya 9 ghanatay ki neend laina bohut zaroori hai. Koshsih karain neend poori lain. Werna takhakawat kay asaar chehray per numyaan honay lagain gay. Iss kay ilawa aankhoon kay gird halkay bhi namodaar ho jain gay. Layhaza neened poori lain.
  • Bohut ziada kaam ka bojh khud per na dalain aur halki phulki exercise karain. Taak ay ager wazan ziada hai tou kum ho jaye aur aap apni shaadi yani wedding per smart nazar aain.
  • Rozana 8 say 10 glass paani peeain.
  • Mithaai, chocolate or chiknaai wali cheezon say perhaiz karain.
  • Phal aur sabziyoon ko khoraak ka hissa bnaain aur tar o taza nazer ain.
  • Rozana cleansing karain. Iss say jild say tamam gard o gubaar door ho jaye ga.
  • Haftay mein 2 baar scrubbing karian. Mahir beautician say mashwara karain aur apni jild k hisaab say scrub ka intekhaab karain.
  • Apnay chehray kay sath sath apna baaloon ka khas khayaal rakhahin.
  • Apnay haath aur paaon ka kas khayaal rakhain. Gharailoo kaam kernay ki wajha say hath aur pair per nishaan per jatay hain. Ghar per haftay mein aik baar mani cure aur pedicure karain.
  • Baalon ki nighdaast mein bhi kotaahi na karain. Aur her mumkin koshish karain kay unko khushki say bachain.
  • Maheenay mein aik baar facial karain. Apni beautician say mashwara karain who apki jild kay hisaab say apko facial ka mashwara day sakti hain.
  • Iss kay ilawa ghiza mein aisi cheezoon ka istemaal karain jo apki jild mein nikhaar lay kay aiye. Juices ka istemaal ziada say ziada karain.
  • Khush rahain aur taro taza nazar ain.

In tamam beauty tips per amal ker k aap apni shadi per haseen o jameel aur nikhri hoi nazar aa sakti hain. Thori si tawajjah apko khoobsoorat bna sakti hai.

Categories :

Comments are closed.

Translate »